Qazyǵurt aýdanynda 10 jasar bala ájethanaǵa qulap ketken baýyryn alyp shyqty

<p>Qazyǵurt aýdanynyń 10 jasar turǵyny Nuralı Óskenbaı ájethanaǵa qulap ketken baýyryn nájis ishinen alyp shyqty, dep habarlaıdy Kazinform.</p>

Oqıǵa Qazyǵurt aýdanyndaǵy Jylybulaq eldi mekeninde boldy. Úıiniń aýlasynda oınap júrgen Nurmuhammed baıqaýsyzda ájethana oıyǵyna túsip ketken. Bolǵan jaǵdaıdy anasy der kezinde baıqaǵan. Sodan 10 jasar uly Nuralıdiń beline arqan jip baılap, tómenge túsiredi. Anasynyń demeýimen Nuralı kishkentaı baýyryn qaýipsiz jerge alyp shyqty. Búginde ekeýiniń de jaǵdaılary qalypty.

Batyr balanyń erligi eleýsiz qalǵan joq. Úlgi bolar isi úshin 4-synyp oqýshysy Nuralı Qudyretulyna Túrkistan oblysynyń Tótenshe jaǵdaılar departamenti basshysy arnaıy Alǵys hat tabys etip, baǵaly syılyqpen marapattady.