Qazy – álemdegi eń úzdik shujyqtar qataryna kirdi

<p>ASTANA. KAZINFORM &ndash; TasteAtlas elektrondy entsıklopedııasy &laquo;Álemdegi eń úzdik 100 shujyq&raquo; reıtıngisin jasady.&nbsp;</p>

TasteAtlas – as ázirleýshilerge arnalǵan úlken resýrs. Munda ár túrli taǵamnyń reıtıngisi únemi jarııalanady. Máselen, «Álemdegi eń úzdik 100 shujyq» tiziminde jylqy etinen jasalǵan dástúrli qazaq shujyǵy 81-oryndy ıelendi. Reıtınginiń joǵarǵy jaǵynda nemistiń Bockwurst sardelkalary, al odan tómen shvedtiń Prinskorv shujyǵy ornalasqan. Vınıaısh qalasynda óndiriletin portýgaldyq «Alıera» shujyǵy kósh bastap tur. 

Sıpattamada kórsetilgendeı reıtıng saıt paıdalanýshylarynyń baǵalaýy negizinde jasalǵan.

«Álemdegi eń úzdik 100 shujyq» tizimin jasaý úshin 2024 jyldyń 15 mamyryna deıin 7274 baǵa tirkeldi, onyń 5465-i júıe zańdy dep tanyldy», - delingen reıtıngtiń sıpattamasynda.

Qurastyrýshylar sonymen qatar jelidegi bottardy, sondaı-aq «ultshyl jáne jergilikti patrıottyq reıtıngilerdi» elekten ótkizetinderin atap ótedi.

«TasteAtlas» reıtıngin taǵamnyń sońǵy jahandyq qorytyndysy retinde qarastyrýǵa bolmaıdy. Olardyń maqsaty – keremet jergilikti taǵamdardy nasıhattaý, dástúrli taǵamdarǵa degen maqtanysh sezimin oıatý jáne siz áli dámin kórmegen taǵamdarǵa qyzyǵýshylyq týdyrý», - dep atap ótti avtorlar.

Aıta keteıik, Qazaqstan TMD jáne Ortalyq Azııa elderi arasynda «Álemdegi eń úzdik 100 shujyq» tizimine engen jalǵyz el.