Qajymuqannyń 150-jyldyǵyna oraı chellendj bastaldy
«Beıne-chellendjdiń uıymdastyrylýy men basy-qasynda Qajymuqan atamyz ben Balýan Sholaq atamyzdyń izin jalǵastyryp júrgen, kúsh synasý sporty boıynsha álemniń 4 dúrkin chempıony - Sergeı Tsyrýlnıkov, Respýblıkalyq «Jas Sarbaz» áskerı –patrıottyq qozǵalysynyń tóraǵasy Meıirbek Meńdiǵalıev jáne «Jas Sarbaz» qozǵalysynyń 10 tárbıelenýshisi qatysty», - delingen baspasóz habarlamasynda.
Chellendj qatysýshylary barlyq epıdemologııalyq normalardy saqtaı otyryp, ashyq aýa astynda qalalyq «Jeruıyq» saıabaǵynda, 150 «otjımanııa» jasap estafetany elimidiń beldi sport maıtalmandary men barlyq aımaqtardaǵy «Jas Sarbaz» fılıaldaryna joldady.
«Jobanyń negizgi maqsaty – Qazaqstan halqynyń mádenı qundylyqtaryn saqtaý jáne keler urpaqqa ónegeli tárbıe berý. Qajymuqan Muńaıtpasuly – Qazaq eliniń atyn jer tarapqa shyrqatqan ańyz adam. Іzin jalǵastyrýshy, dáýirler jalǵasy retinde bizdiń basty mindetimiz- jastarǵa osy dástúrdiń jetýi men onyń qunyn joǵaltpaýǵa baǵyt berý» - deıdi Sergeı Tsyrýlnıkov.
Aıta ketelik, aqpan aıynyń 3 kúni bastaý alǵan bul joba Uly dalanyń batyry dúnıege kelgen ýaqytqa, ıaǵnı sáýir aıynyń 7- ne deıin jalǵaspaqshy. Osy ýaqyt aralyǵynda batyr esimi ulyqtalyp, búgingi urpaq tolyqtaı atsalysary anyq.