Qajylyqqa attanǵan qazaqstandyqtar Saýd Arabııasyna jetti

ASTANA. QazAqparat - Qajylyqqa attanǵan barlyq qazaqstandyqtar din-aman Saýd Arabııasyna jetti, dep habarlaıdy QazAqparat tilshisi.

«Saýd Arabııasy Koroldigine qazaqstandyq qajylyqqa barýshy azamattardy tasymaldaýshy  SCAT jáne Fly Nas áýekompanııalarymen Almaty-Djıdda jáne Aqtaý-Djıdda baǵyty boıynsha sońǵy eki reıs oryndaldy», - dep habarlady QR IDM Azamattyq avıatsııa komıteti Feısbýk áleýmettik jelisindegi paraqshasynda.

Jalpy atalǵan eki áýe kompanııasy  Boıng 737, Boıng 767, Eırbas 330 úlgisindegi ushaqtarmen 10 reıs júzege asyrǵan. Osylaısha, Djıdda men Medına qalalaryna 2777 qazaqstandyq qajylyqqa barýshy azamat din-aman jetti.

Komıtet málimetinshe, atalǵan eki áýe kompanııasy  qazaqstandyqtardy keri elge jetkizý úshin 27 tamyzdan bastap 31 tamyzǵa deıin 10 reıs jasaıtyn bolady.