Qajylyqqa attanǵan qazaqstandyqtar Mekkege jetti
29 qyrkúıekte Qazaqstan musylmandary dinı basqarmasynyń qajylyq mıssııasy Mekke qalasynda resmı jumysyn bastady. Mıssııa jumysyn QMDB apparat jetekshisi Ǵylymbek Májıev basqarýda. Ýaǵyzshylar tobynyń jetekshisi, sharıǵat jáne pátýa bóliminiń qyzmetkeri Sansyzbaı Shoqanov qajylarǵa túsindirý jumystaryn júrgizip jatyr. Top quramynda 30-ǵa jýyq ımamdar men bilikti teolog-ǵalymdar bar.
Qajylyq mıssııasynyń múshelerimen arnaıy kezdesý ótip, jıyn barysynda apparat basshysy mıssııa múshelerine bas múftı Erjan qajy Malǵajyulynyń sálemin jetkizdi. Din qyzmetkerlerine tıisti nusqaýlar berip, jumysqa asqan jaýapkershilikpen qaraýdy tapsyrdy.
«Biz úshin árbir qazaqstandyq qajynyń densaýlyǵy, qajylyqty durys atqarýy, olarǵa sapaly qyzmet kórsetý óte mańyzdy. Sondyqtan mıssııa múshelerine artylar senim men jaýapkershilik joǵary», - dedi Ǵylymbek Jádigeruly.
Aıta keteıik, bıyl elimizden 5 000 jerlesimiz qajylyq paryzyn ótemek, dep habarlanǵan QMDB -nyń resmı saıtynda.