«Qazgıdromettegi» aýa sapasyn baqylaý stansalarynyń 70%-y durys jumys istemeıdi – Bas prokýratýra

<p>ASTANA. KAZINFORM &ndash; Bas prokýrordyń aǵa kómekshisi Ashat Aýqatov Májilistegi dóńgelek ústelde Ekologııa kodeksiniń normalar jumys istemeı turǵanyn aıtty.</p>

«Ekologııalyq kodekstiń qabyldanǵanyna úsh jyl boldy, biraq onyń kóptegen normalary jumys istemeıdi. Máselen, jergilikti atqarýshy organdar áleýmettik lastaý kózderine ınventarızatsııa júrgizgen joq. Olardyń naqty sanyn eshkim bilmeıdi. Al bul qalanyń bas jospary sııaqty jergilikti oryndaýshylar únemi paıdalanatyn mańyzdy qujat. «Qazgıdromet» te aýa sapasyn jiti qadaǵalap otyrǵan joq deýge bolady. Avtomattandyrylǵan baqylaý stansalarynyń 70%-y durys jumys istemeıdi», - dedi Bas prokýratýra ókili.

Onyń sózinshe, elde ónerkásip qaldyǵyn tógetin polıgondar óte tapshy.

«2022 jyldyń sońyna qaraı barlyq iri ónerkásip avtomattandyrylǵan monıtorıng júıesin engizýi kerek bolǵan. Olar shyǵaryndylar týraly aqparatty tikeleı óndiristen ulttyq derekter bankine onlaın berýdi qamtamasyz etýge tıis. Alaıda bul talap oryndalmaı otyr. Júıe 50%-dan sál astamǵa qosylǵan. Saldarynan jyl saıyn elimizde 7 mıllıon tonnaǵa deıin qoqys úıilip qalady», - dedi Ashat Aýqatov.

Osyǵan deıin Ekologııa mınıstriniń qoqys polıgondaryna qoıylatyn talaptardy jeńildetýdi usynǵany týraly jazdyq.