«Qazgıdromet» sý tasqyny qaýpin 90 paıyzdyq dáldikpen boljaıdy - Qanat Bozymbaev
«Ótken jyly ásirese jergilikti atqarýshy organdardyń tarapynan «Qazgıdromet» qyzmetine syn óte kóp bolǵan edi. Sodan keıin qosymsha qural-jabdyq satyp alýǵa aqsha bólindi. Búgingi jaǵdaı qalaı? Másele týyndaı ma? Tótenshe jaǵdaılar qyzmeti men jergilikti atqarýshy organdar qajetti aqparattarmen qamtamasyz etilgen be?», - dep surady Premer-Mınıstr Baqytjan Saǵyntaev Qanat Bozymbaevtan.
Al mınıstrdiń aıtýynsha, qazirgi ýaqytta «Qazgıdromet» boljaý júıesine ózgertýler engizgen. Máselen, buǵan deıin gıdrologııalyq boljam úsh aı buryn jasalyp kelgen. Al 1 naýryzdan bastap sınoptıkter 7 kún buryn boljam jasap otyratyn bolady.
«Onyń dáldigi 90 paıyzdan asyp túsedi jáne árbir úsh kún saıyn túzetilip otyrady. ıAǵnı, barlyq memlekettik organdar oryn alatyn klımattyq jáne basqa da ózgerister jaıynda aqparattardy úlken dáldikpen alady. Sondyqtan aqparat tolyqqandy bolady dep oılaımyn. Jalpy, «Qazgırometti» jabdyqtaý 5 jylǵa arnalǵan baǵdarlama ári ony jalǵastyrý qajet», - dedi ol.
Osy rette Úkimet basshysy mınıstrden: «Aǵymdaǵy jyly tosyn jaıttar bolsa, eshkim de «Qazgırometke» silteı almaıdy ǵoı?», - dep surady.
«Baqytjan Ábiruly, bilmeımin. Bizdiń qyzmetterdiń sınoptıkterge silteý baǵdysy ár ýaqytta da bolǵan. Sondyqtan olar úshin men jaýap bere almaımyn. Biraq, «Qazgıdromet» 90 paıyzdan astam dáldikpen boljam beretindigi anyq», - dedi ol.