Qazgıdromet sý basqan óńirlerdegi aýa raıy boljamyn jarııalady
«Búgingi tańda sý deńgeıiniń kóterilýi Batys Qazaqstan, Atyraý, Aqmola, Qostanaı, Soltústik Qazaqstan jáne Shyǵys Qazaqstan oblystarynda jalǵasyp jatyr. Sý obektilerinde muzdyń erýi keptelis qubylystary, sý deńgeıiniń aýytqýy men joǵarylaýy kútiledi. Keı jerlerde ózen arnalarynda qardyń qarqyndy erýi, sondaı-aq erigen sýdyń shekti mólsherden asyp ketý jaǵdaıy saqtalyp otyr», - dedi «Qazgıdromet» memlekettik mekemesiniń baspasóz hatshysy Alına Ismaǵulova OKQ-de ótken brıfıngide.
Odan ári «Qazgıdromet» RMK ókili óńirlerdegi aýa raıy boljamyna jeke toqtaldy.
Qostanaı oblysy
Sý deńgeıi erigen sý aǵystardyń qosylýy jáne joǵarǵy jaǵynan sýdyń shyǵýy esebinen kóterilýde. Sý deńgeıiniń odan ári joǵarylaýy kútilýde, qaýipti belgilerden asyp ketýi múmkin, bul sý deńgeıiniń joǵarylaýyna jáne ózenderdiń jaıylma ýchaskelerge shyǵýyna ákeledi.
Abaı jáne Shyǵys Qazaqstan oblysy
2024 jylǵy 8-10 sáýir aralyǵynda qatty jaýyn-shashynnyń jáne temperatýralyq fonnyń odan ári joǵarylaýynyń, qardyń qarqyndy erýi men ózenderdiń muzdan ashylýynyń boljamyna baılanysty sý deńgeıiniń kúrt kóterilýi, muz keptelisteriniń paıda bolýy, erigen aǵystardyń qosylýy jáne betkeılik aǵyndardyń qalyptasýy kútilýde.
Atyraý oblysy
2024 jylǵy 7-9 sáýir aralyǵynda Embi ózeni basseınindegi sý deńgeıiniń joǵary bolýyna baılanysty ózen aǵysy boıynsha tómen ornalasqan eldi mekenderdi, sharýashylyq qurylystar men jergilikti mańyzy bar joldardy sý basý qaýpi saqtalady.
Aqmola oblysy
2024 jylǵy 7-10 sáýir aralyǵynda Jabaı jáne Qalqýtan (Kolýton) ózenderinde, olardyń salalary men joǵarǵy aǵystarynda sý deńgeıiniń synı belgilerge deıin kúrt kóterilýi kútiledi jáne jaıylma ýchaskelerine sýdyń shyǵýymen, muzdyń ótýimen jáne keptelis qubylystarymen shektik mólsherden asyp ketý jaǵdaıy múmkin.