«Qazgıdromet» RMK-sy maýsymnyń 8-i kúngi aýa raıy boljamyn jarııalady
Kásiporynnyń boljamyna qaraǵanda, búgin atmosferalyq frontaldy bólikterdiń ótýine oraı Qazaqstannyń basym bóliginde kún qubylmaly bolady sondaı-aq naızaǵaı oınap, ótkinshi jańbyr jaýady. Tek respýblıkanyń batysynda, ońtústiginde kún jaýyn-shashynsyz bolady. Respýblıka boıynsha jel kúsheıip, eldiń soltústiginde, soltústik-batysynda burshaq jaýady, shańdy daýyl turady.
Pavlodar, Abaı, Shyǵys Qazaqstan oblystarynyń soltústik-batysynda, Almaty oblysynyń soltústiginde, ortalyǵynda, Jetisý oblysynyń ońtústiginde óte qatty ystyq kútiledi.
Almaty, Pavlodar, Ulytaý, Shyǵys Qazaqstan, Abaı, Qyzylorda, Jambyl, Jetisý oblystarynyń basym bóliginde, Túrkistan oblysynyń batysynda, Qaraǵandy oblysynyń ońtústiginde qatty ystyq saqtalady.
Túrkistan, Aqtóbe, Qyzylorda, Almaty, Mańǵystaý, Jambyl, Aqmola, Soltústik Qazaqstan, Pavlodar, Abaı, Shyǵys Qazaqstan jáne Jetisý oblystarynda, Qostanaı oblysynyń ońtústik jartysynda, Batys Qazaqstan oblysynyń shyǵys jartysynda, Qaraǵandy oblysynyń batysynda, ońtústik-shyǵysynda, Ulytaý oblysynyń ortalyǵynda, Atyraý oblysynyń shyǵysynda, soltústiginde tótenshe órt qaýipi saqtalady.