Qazgıdromet óńirlerdegi bıylǵy astyq shyǵymyna boljam jasady

NUR-SULTAN. QazAqparat - «Qazgıdromet» respýblıkalyq kommýnaldyq kásiporny bıdaı ónimdiligine boljam jasady, dep habarlaıdy QazAqparat.

Alynǵan aldyn ala eseptik derekterge sáıkes, respýblıkanyń soltústik jartysynda 2022 jylǵy jazdyq bıdaıdyń ónimdiligi ortasha kópjyldyq mánge jýyq bolady dep kútilip otyr.

Myna óńirlerde astyq shyǵymy ortasha kópjyldyq mánge jýyq jáne odan joǵary bolady:

- Qostanaı oblysynyń Denısov, Qamysty, Qarabalyq jáne Fedorov aýdandary;

- Soltústik Qazaqstan oblysynyń Aqqaıyń, Jambyl, Qyzyljar jáne Mamlıýt aýdandary;

- Aqmola oblysy Sandyqtaý aýdany.

Ortasha kóp jyldyq mánderge jýyq:

- Pavlodar jáne Qaraǵandy oblystarynda.

Myna óńirlerde normadan joǵary:

- Altaıda, Katonqaraǵaı aýdany, Shyǵys Qazaqstan oblysy.

- Aqtóbe oblysynda, Muǵaljar aýdanyn qospaǵanda.

- Batys Qazaqstan oblysynda, Báıterek jáne Syrym aýdandaryn qospaǵanda.

Ónimdiliktiń sońǵy boljamy tamyz aıynyń basynda naqtylanady.