Qazgıdromet: Qyrkúıektiń 7-i kúngi kún raıy boljamy
Atmosferalyq frontaldy bólikterdiń ótýimen elimizdiń batysynda, soltústiginde naızaǵaı oınap, jańbyr jýady, soltústiginde qatty jańbyr jaýady. Qazaqstannyń qalǵan aýmaǵynda kún jaýyn-shashynsyz bolady. Respýblıkanyń basym bóliginde jel kúsheıip, kúndiz soltústiginde burshaq jaýyp, daýyl turady.
Jambyl, Qyzylorda, Túrkistan, Aqtóbe, Almaty, Jetisý, Ulytaý, Abaı oblysynyń ońtústigi men shyǵysynda, Qaraǵandy oblystarynyń ońtústigi men shyǵysynda jáne batysynda tótenshe órt qaýpi saqtalady, Qostanaı oblysynyń ońtústiginde joǵary órt qaýpi saqtalady.
Kúndiz Jetisý, Abaı, Shyǵys Qazaqstan oblystarynyń basym bóliginde, Almaty oblysynyń soltústiginde, ońtústiginde, Jambyl oblysynyń batysynda, soltústiginde jáne ońtústiginde qatty ystyq bolady.
Nur-Sultanda kóshpeli bult shyǵyp, túnde jáne tańerteń jańbyr jaýady, naızaǵaı oınaıdy. Ońtústik-batysta, batystan jel soǵady, kúshi 9-14, ekpini 15-20 m/s. Aýanyń temperatýrasy túnde 16-18, kúndiz 18-20 gradýs jyly bolady.
Almatyda kóshpeli bult shyǵady, kún jaýyn-shashynsyz. Jeldiń jyldamdyǵy sekýndyna 2-7 metr. Aýanyń temperatýrasy túnde 20-22, kúndiz 33-35 gradýs jyly bolady.
Shymkentte kóshpeli bult shyǵyp, kún jaýyn-shashynsyz bolady. Shyǵystan jel soǵady, kúshi 8-13 m/s. Aýa temperatýrasy túnde 19-21, kúndiz 36-38 gradýs jyly bolady.