Qazgıdromet qyrkúıektiń 29-y kúngi kún raıy boljamyn jarııalady
06:00, 29 Qyrkúıek 2022
ASTANA. QazAqparat – «Qazgıdromet» RMK-sy qyrkúıektiń 29-y kúngi kún raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, Qazaqstannyń basym bóliginde frontaldy bólikterdiń ótýine baılanysty, jaýyn jaýyp, batys aımaqtarda jańbyr, soltústik, shyǵys, ortalyq aımaqtardyń keıbir bóliginde jańbyr, keıbir bóliginde qar jaýyp, elimizdiń shyǵysynda nóser jaýyn jaýady.
Tek Qazaqstannyń ońtústik-batys aımaǵynda ǵana kún jaýyn-shashynsyz bolady. Respýblıka boıynsha jel kúsheıip, batysta naızaǵaı oınaıdy, ońtústik-batysta, ońtústikte shańdy daýyl turady, soltústikte, shyǵysta, ortalyqta tuman túsip, kóktaıǵaq bolady.
Jambyl, Túrkistan, Qyzylorda oblystarynyń basym bóliginde tótenshe órt qaýpi saqtalady.