Qazgıdromet Qazaqstanda tropıkalyq daýyl bolatyny týraly aqparatty joqqa shyǵardy

<p>ASTANA. KAZINFORM - TikTok jelisinde Qazaqstanǵa bet alǵan tropıkalyq daýyl týraly habarlaǵan vıdeo tarady. Oǵan sáıkes, 2024 jyldyń 9-10 aqpany aralyǵynda jel 100 km/saǵ-qa deıin kúsheıedi. Aqparatqa &laquo;Qazgıdromet&raquo; RMK túsinik berdi, dep habarlady Stopfake.kz.</p>

«Qazgıdromet» RMK Qazaqstan turǵyndary men qonaqtaryna taraǵan vıdeoda birqatar qatelik bar ekenin habarlaıdy. Beınejazbada talqylanǵan tsıklon Qazaqstan aýmaǵynda emes, bizdiń respýblıkaǵa Skandınavııa aımaqtarynan kóship keldi jáne 7 aqpannan bastap el aýmaǵynyń basym bóligin qamtıdy. Jel kúshine keletin bolsaq, bul vıdeoda kórsetkishter 100 km/saǵ delingen, ol m/s boıynsha 27-28 m/s quraıdy. Sondaı-aq, «Qazgıdromet» RMK 6 aqpanda 2024 jyldyń 6 aqpany kúngi saǵat 21:00-den 9 aqpan kúngi 21:00-ge deıin jeldiń kúsheıýine baılanysty jeldiń 30 m/s nemese odan da kóp bolatyny týraly SMQ (stıhııalyq meteorologııalyq qubylys) eskertý jarııalanǵanyn habarlaıdy.

Aımaqtar: Aqmola oblysy, Aqtóbe oblysy, Jambyl oblysy, Qostanaı oblysy, Pavlodar oblysy, Soltústik Qazaqstan oblysy, Túrkistan oblysy. Aýa raıyna baılanysty eskertýge sáıkes, 7-9 aqpanda Qazaqstannyń basym bóliginde jel 23-28 m/s kúsheıedi, ekpini 30 m/s nemese odan da kóp bolady, sodan keıin tsıklon Qazaqstan aýmaǵynan tys aımaqqa aýysady,- delingen baspasóz qyzmetiniń habarlamasynda.

«Qazgıdromet» RMK Qazaqstan turǵyndary men qonaqtaryn resmı aqparatqa senýge shaqyrady. Tótenshe jaǵdaılar departamentiniń 112 biryńǵaı kezekshilik-dıspetcherlik qyzmetine, jáne aýa raıyna baılanysty eskertýlerdi saıt pen DARMEN mobıldi qosymshasynan baqylaýǵa keńes beredi.