Qazgıdromet: Búgin eldiń basym bóliginde qar jaýyp, aıaz bolady

ASTANA. QazAqparat – 9 qańtarda Atlantıkalyq tsıklon men atmosferalyq frontaldy bólimderdiń áserinen QR búkil aýmaǵynda qar jaýady, dep habarlaıdy QazAqparat «Qazgıdromet» RMK-na silteme jasap.

Kásiporyn taratqan derekterge qaraǵanda, 9 qańtarda eldiń shyǵysynda, ońtústik-shyǵysynda nóser jaýyn, qar aralas jańbyr (jańbyr, qar), eldiń ońtústigindegi taýly aýdandarda qalyń qar jaýady.

Eldiń batysynda ǵana joǵary qysym órisiniń áserimen kún jaýyn-shashynsyz, biraq aıaz bolady. Sýyq arktıkalyq antıtsıklonmen QR batysynda, soltústik-batysynda, soltústiginde, ońtústiginde aýa temperatýrasy kúrt tómendeıdi.

Respýblıka boıynsha jeldiń kúsheıip, burqasyn, kóktaıǵaq bolyp, tuman túsedi.