Qazgıdromet: Búgin Aqtóbe oblysynyń soltústiginde – 41 gradýs aıaz bolady

ASTANA. QazAqparat – 11 qańtarda Qazaqstan aýmaǵynyń basym bóliginde Arktıkalyq antıtsıklonnyń áserinen kún jaýyn-shashynsyz bolady, dep habarlaıdy QazAqparat «Qazgıdromet» RMK-na silteme jasap.

Respýblıkanyń ońtústiginde, ońtústik-shyǵysynda, shyǵysynda, soltústiginde atmosferalyq frontaldy bólikterdiń ótýine baılanysty qar jaýady. Respýblıkanyń ońtústiginde, ońtústik-shyǵysynda, taýly aýdandarynda keı ýaqytta qalyń qar jaýyp, jel kúsheıedi, burqasyndatady, kóktaıǵaq bolady. Respýblıka boıynsha tuman túsedi.

Túnde Aqtóbe oblysynyń soltústiginde -40-41 gradýs aıaz bolady. Mańǵystaý oblysynda da - 25 gradýs aıaz saqtalady. Aqmola oblysynda aıaz - 40 gradýs, Qaraǵandy oblysynda – -35-38 gradýs, Aqtóbe oblysynda – 35-36 gradýs, Atyraý oblysynda - 30 gradýs, Túrkistan oblysynyń soltústiginde - 25-27 gradýs, Jetisý oblysynyń soltústiginde, taýly aýdandarynda - 25 gradýs aıaz bolady.