«Qazgıdromet» birqatar óńirde kún raıyna baılanysty eskertý jasady

<p>ASTANA. KAZINFORM &ndash; &laquo;Qazgıdromet&raquo; RMK-sy elimizdiń óńirlerinde 30-shy qyrkúıek kúni bolatyn aýa raıy boljamyn jarııalady.</p>

30 qyrkúıekte túnde jáne tańerteń Soltústik Qazaqstan oblysynyń ońtústiginde tuman túsedi. Ońtústik-batystan, batystan jel soǵady, kúndiz oblystyń soltústiginde, shyǵysynda ekpini 15-20 m/s-ke jetedi.

Petropavlda 30 qyrkúıekte ońtústik-batystan, batystan jel soǵady, kúndiz ekpini 15-20 m/s.

30 qyrkúıekte Qostanaı oblysynyń ońtústiginde, ortalyǵynda joǵary órt qaýpi saqtalady.

30 qyrkúıek kúndiz, 1 qazanda táýlik boıy Jambyl oblysynyń ońtústiginde, taýly aýdandarynda naızaǵaı oınaıdy. Túnde jáne tańerteń oblystyń taýly aýdandarynda tuman túsedi. Soltústik-shyǵystan soǵatyn jel soltústik-batys jeline aýysady, oblystyń ońtústik-batysynda, soltústik-shyǵysynda, taýly aýdandarynda jyldamdyǵy 15-20 m/s, 30 qyrkúıekte ekpini 23-28 m/s bolady. 30 qyrkúıek pen 1 qazanda oblystyń basym bóliginde tótenshe, oblystyń ońtústik-shyǵysynda joǵary órt qaýipi saqtalady.

30 qyrkúıekte Mańǵystaý oblysynda ońtústik-shyǵystan jel soǵady, oblystyń batysynda, shyǵysynda, ortalyǵynda ekpini 15-20 m/s-ke jetedi. Oblystyń basym bóliginde tótenshe órt qaýpi, oblystyń shyǵysynda joǵary órt qaýpi saqtalady.

Aqtaýda 30 qyrkúıekte ońtústik-shyǵystan jel soǵady, ekpini 15-18 m/s. Tótenshe órt qaýpi saqtalady.

30 qyrkúıekte kúndiz Túrkistan oblysynyń ońtústiginde, taýly jáne taý bókterli aýdandarynda naızaǵaı oınaıdy. Soltústiginde shańdy daýyl turady. Shyǵystan jel soǵady, oblystyń soltústiginde, batysynda, taýly jáne taý bókterli aýdandarynda kúshi 15-20 m/s. Oblystyń basym bóliginde tótenshe órt qaýipi (5 klass) saqtalady.

Shymkentte 30 qyrkúıekte kúndiz naızaǵaı oınaıdy. Shyǵystan jel soǵady, ekpini 15-20 m/s. Tótenshe órt qaýipi (5 klass) saqtalady.

Túrkistanda 30 qyrkúıekte shyǵystan jel soǵady, ekpini 15-20 m/s. Tótenshe órt qaýipi (5 klass) saqtalady.

30 qyrkúıekte túnde jáne tańerteń Qaraǵandy oblysynyń soltústiginde, shyǵysynda tuman túsedi. Soltústik-shyǵystan jel soǵady, kúndiz oblystyń ońtústiginde ekpini 15-20 m/s. Oblystyń basym bóliginde joǵary órt qaýpi saqtalady.

30 qyrkúıekte Ulytaý oblysynda soltústik-shyǵystan jel soǵady, kúndiz oblystyń ońtústiginde ekpini 15-20 m/s. Oblystyń basym bóliginde tótenshe órt qaýpi, oblystyń shyǵysynda joǵary órt qaýpi saqtalady.

Jezqazǵanda 30 qyrkúıekte tótenshe órt qaýpi saqtalady.

30 qyrkúıekte kúndiz Batys Qazaqstan oblysynyń batysynda jel ońtústik-shyǵystan, shyǵystan soǵady, ekpini 15-20 m/s. Oblystyń soltústiginde joǵary órt qaýpi saqtalady, oblystyń basym bóliginde tótenshe órt qaýpi saqtalady.

Oralda 30 qyrkúıekte joǵary órt qaýpi saqtalady.

30 qyrkúıekte Qyzylorda oblysynyń ortalyǵynda shańdy daýyl turady. Jel soltústik-shyǵystan, shyǵystan soǵady, túnde oblystyń ortalyǵynda, ońtústiginde jeldiń kúshi 15-20 m/s, kúndiz oblystyń basym bóliginde 15-20, oblystyń ortalyǵynda 23-28 m/s bolady. Oblystyń basym bóliginde tótenshe órt qaýpi, oblystyń soltústik-batysynda joǵary órt qaýpi saqtalady.

Qyzylordada 30 qyrkúıekte keı ýaqytta shańdy daýyl turady. Jel shyǵystan soǵady, kúshi 15-20 m/s. Tótenshe órt qaýpi saqtalady.

30 qyrkúıekte Shyǵys Qazaqstan oblysynyń batysynda, ońtústiginde, ortalyǵynda joǵary órt qaýpi saqtalady.

30 qyrkúıekte Abaı oblysynyń shyǵysynda, ortalyǵynda joǵary órt qaýpi saqtalady, oblystyń ońtústiginde tótenshe órt qaýpi saqtalady.

30 qyrkúıekte Aqtóbe oblysynda shyǵystan jel soǵady, kúndiz oblystyń ońtústiginde ekpini 15-18 m/s. Oblystyń basym bóliginde joǵary, ońtústiginde, batysynda, ortalyǵynda tótenshe órt qaýpi saqtalady.

Aqtóbede 30 qyrkúıekte joǵary órt qaýpi saqtalady.

30 qyrkúıekte Atyraý oblysynda ońtústik-shyǵystan jel soǵady, oblystyń batysynda ekpini 15-20 m/s. Oblystyń basym bóliginde tótenshe órt qaýipi saqtalady.

Atyraýda 30 qyrkúıekte tótenshe órt qaýpi saqtalady.