Qazgıdromet aýa sapasy nasharlaıtyn qalalardy atady
06:36, 28 Jeltoqsan 2024
<p>ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady. </p>
— 2024 jylǵy 28 jeltoqsanda Almaty, Aqtóbe, Oral, Shymkent qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske salsaq, buǵan deıin bes qalada aýa lastanatynyn jazǵan edik.