Qazgıdromet Atyraý, Mańǵystaý, Aqtóbe oblystarynda aptap ystyq bolatynyn eskertti

<p>&laquo;Qazgıdromet&raquo; RMK el aýmaǵynda 6 tamyzda bolatyn qaýipti meteorologııalyq qubylystarǵa boljam jasady.</p>

Atmosferalyq frontaldy bólimder Qazaqstannyń basym bóliginde aýa raıynyń turaqsyz sıpatyn saqtaıdy: naızaǵaımen, burshaqpen jáne daýylmen jańbyr jaýady, eldiń batysynda qatty jańbyr jaýady.

Tek ońtústik-batysta, ońtústikte jáne eldiń ortalyǵynda jaýyn-shashynsyz aýa raıy bolady. Respýblıka boıynsha jel kúsheıedi, soltústikte túnde jáne tańerteń tuman kútiledi.

«Kúndiz Almaty, Atyraý, Qyzylorda, Mańǵystaý, Aqtóbe, Jambyl, Ulytaý, Jetisý oblystarynda, Batys Qazaqstan, Qostanaı oblystarynyń ońtústiginde jáne Abaı oblystarynda qatty ystyq túsedi.

Atyraý, Mańǵystaý, Aqtóbe oblystarynyń ońtústiginde óte qatty ystyq kútiledi», — dep eskertti sınoptıkter.

Almaty, Atyraý, Jetisý, Abaı oblystarynda, Kyzylorda oblysynyń soltústiginde, Ulytaý oblysynyń soltústiginde, shyǵysynda, Qaraǵandy oblysynyń batysynda, soltústiginde, ońtústiginde, Aqtobe oblysynyń ońtústiginde, Batys Qazaqstan oblysynyń ońtústiginde, ortalyǵynda, Shyǵys Qazaqstan oblysynyń ortalyǵynda, Aqmola oblysynyń ońtústik-batysynda joǵary órt qaýpi bar..

Mańǵystaý, Qyzylorda, Túrkistan, Jambyl, Ulytaý oblystarynda, Almaty jine Jetisý oblysynyń ortalyǵynda, Atyraý oblysynyń ońtústiginde, Qostanaı oblysynyń ońtústiginde, Aqtobe, Shyǵys Qazaqstan jáne Abaı oblystarynda tótenshe órt qaýpi saqtalady.