Qazgıdromet Astanadaǵy aýa sapasyn tekserdi

ASTANA. QazAqparat – Qazgıdromet RMK Astanadaǵy aýa sapasyna tekserý júrgizdi, dep habarlaıdy QazAqparat tilshisi.

«2023 jylǵy 19 maýsymda Astana qalasyndaǵy №7 bekette (sol jaǵalaý, Túrkistan kóshesi, 2/1) aýdanynda shekti kontsentratsııa mólsheriniń asyp ketý baıqaldy. Ásirese azot oksıdi boıynsha (shekti kontsentratsııanyń asyp ketýiniń 9 jaǵdaıy), azot dıoksıdi boıynsha (42 jaǵdaı) baıqalǵan», - dep jazylǵan Qazgıdromet habarlamasynda.

Mekemeniń habarlaýynsha, №7 beketten basqa, №8 bekette (Kóktal shaǵynaýdany) ozon boıynsha 19 jaǵdaı, kúkirtsýtek boıynsha – 18 jaǵdaı tirkelgen.

«Sınoptıkalyq sıpattamalarǵa sáıkes, ońtústik, ońtústik-batys jelderiniń ekpini 16 m/s deıin jetedi. Alda jańbyr jaýady dep kútilýde. Kúnniń aıaǵynda qatty jańbyr, naızaǵaı, burshaq, daýyl bolady», - dep boljam jasady Qazgıdromet.

Buǵan deıin Qorǵaljyn tasy joly men Qosshy qalasyna qaraı aınalma joldyń arasynda qýraǵan aǵashtyń órtenip jatqanyn habarlaǵan edik.

Saldarynan Astana kóshelerin tútin basyp, dárigerler kóshege shyqpaýǵa shaqyrdy.