Qazgıdromet 7 qazanǵa arnalǵan aýa raıy boljamyn jarııalady

ASTANA. QazAqparat - Qazgıdromet sınoptıkteri 7 qazan, jumaǵa arnalǵan aýa raıy boljamyn usyndy, dep habarlaıdy QazAqparat.

Elimizdiń soltústik, batys óńirleriniń aýa raıyna soltústik-batystan keletin tsıklon áser etedi.

Osyǵan baılanysty jańbyr jaýady. Elimizdiń soltústik-batysynda, ońtústik-batysynda naızaǵaı jarqyldap, jaýyn-shashyn bolady.

Elimizdiń shyǵys jartysy áli de antıtsıklonnyń yqpalynda. Sondyqtan jaýyn-shashyn jaýmaıdy, kún ashyq bolady.

Respýblıka boıynsha keı jerlerde jel kúsheıedi. Túnde shyǵysta, soltústik-batysta tuman túsedi.

Túnde Jambyl oblysynyń taýly aýdandarynda topyraq betinde 1 gradýs úsik saqtalady.