Qazgıdromet 19 qazandaǵy kún raıy boljamyn jarııalady

ASTANA. QazAqparat – «Qazgıdromet» RMK-sy qazannyń 19-y kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, 19-qazan kúni atlantıkalyq tsıklon oıpatynyń yqpalymen jáne atmosferalyq frontaldy bólikterdiń ótýine oraı Qazaqstannyń basym bóliginde jaýyn jaýady (jańbyr, qar), Jambyl oblysynyń ońtústiginde jáne taýly aýdandarynda kúndiz nóser jaýyn (jańbyr, qar) jaýady. Tek Ulytaý, Qyzylorda, Mańǵystaý oblystarynda antıtsıklon sileminiń áserinen kún jaýyn-shashynsyz bolady.

Respýblıkanyń basym bóliginde tuman túsip, keı jerlerde jeldiń jyldamdyǵy sekýndyna 15-20 metrge jetedi. QR soltústiginde, soltústik-batysynda jeldiń jyldamdyǵy sekýndyna 23-25 metrge deıin kúsheııýi múmkin.