Qazgıdromet 14 qyrkúıekke arnalǵan aýa raıy boljamyn jarııalady

NUR-SULTAN. QazAqparat - 14 qyrkúıek, sársenbide Qazaqstan aýmaǵynyń basym bóligi aýqymdy ári sýyq antıtsıklonnyń yqpalynda bolady. Osyǵan baılanysty jaýyn-shashyn jaýmaıdy. Túngi ýaqytta tuman jáne úsik júredi, dep habarlaıdy QazAqparat.

Batys, shyǵys óńirlerde áli de tsıklon men atmosferalyq fronttar ústemdik etedi. Sondyqtan j ańbyr jaýyp, batysta naızaǵaı jarqyldaıdy.

Qazaqstannyń basym bóliginde jel jyldamdyǵy - 15-20 m/s, ońtústik-batysta, ońtústik-shyǵysta ekpini - 23-28 m/s jetedi, kúndiz batysta, ońtústikte shańdy daýyl soǵady.

Qyzylorda, Túrkistan oblystarynyń basym bóliginde, Atyraý oblysynyń batysynda, Batys Qazaqstan oblysynyń ońtústik-shyǵysynda tótenshe órt qaýpi saqtalady.

Al Jambyl oblysynyń basym bóliginde, Aqtóbe oblysynyń ońtústiginde, shyǵysynda tótenshe órt qaýpi kútiledi, Ulytaý oblysynyń shyǵysynda, ońtústiginde joǵary órt qaýpi bar.

Túnde Aqmola oblysynyń soltústik-batysynda, Soltústik Qazaqstan oblysynyń ońtústik-batysynda, Pavlodar oblysynyń shyǵysynda, Qaraǵandy oblysynyń soltústiginde, shyǵysynda 2-3 gradýs úsik júredi.

Túnde Qostanaı, Ulytaý, Abaı oblystarynyń soltústiginde, Shyǵys Qazaqstan oblysynyń shyǵysynda topyraq betinde 1-3 gradýs úsik júredi.

Nur-Sultan qalasynda kóshpeli bultty, jaýyn-shashynsyz. Soltústik-shyǵys baǵyttardan soǵatyn jel kúshi - 3-8 m/s. Aýa temperatýrasy túnde +2+4°S, kúndiz +15+17°S bolady.

Almaty qalasynda kóshpeli bultty, jaýyn-shashynsyz. Soltústik-shyǵystan jel soǵady, ekpini - 3-8 m/s. Aýa temperatýrasy túnde +9+11°S, kúndiz +22+24°S bolady.

Shymkent qalasynda azdaǵan bultty, jaýyn-shashynsyz. Jel shyǵystan soǵady, kúshi 8-13 m/s. Aýa temperatýrasy túnde +11+13°S, kúndiz +28+30°S bolady.