Qazgıdromet 12 shildege arnalǵan aýa raıy boljamyn jarııalady

<p>ASTANA. KAZINFORM &ndash; Sınoptıkter Qazaqstannyń basym bóliginde aýa raıyna baılanysty eskertý jarııalady.&nbsp;</p>

Elimizdiń kóp aımaǵynda atmosferalyq frontaldy bólikterdiń ótýimen kún kúrkirep, jańbyr jaýady. Batysta, soltústik-batysta, ońtústik-shyǵysta burshaq jaýyp, ekpindi jel soǵady.

Batysta, soltústik-batysta, respýblıkanyń ońtústik-shyǵysyndaǵy taýlarda burshaq jaýýy múmkin. Nóser jańbyr kútilýde. 

Tek respýblıkanyń soltústigi men shyǵysynda antıtsıklon ekpinimen jaýyn-shashynsyz aýa raıy saqtalady. Respýblıka boıynsha jel kúsheıedi, túnde jáne tańerteń elimizdiń soltústigi men shyǵysynda tuman túsedi. 

Kúndiz Almaty, Qyzylorda oblystarynda, Jetisý oblysynda qatty ystyq bolady.  

Mańǵystaý oblysynyń soltústiginde, Atyraý oblysynyń ortalyǵynda, Batys Qazaqstan oblysynyń ońtústik-batysynda, soltústiginde, ońtústiginde, ońtústik-shyǵysynda, batysynda, Aqtóbeniń ońtústik-shyǵysynda, batys aımaǵynda, Jambyl oblystarynyń shyǵysynda joǵary órt qaýpi saqtalady. 

Sondaı-aq Túrkistan, Qyzylorda, Mańǵystaý oblystarynyń batysynda, soltústiginde, batysynda, ońtústiginde, Ulytaý oblysynyń ortalyǵynda, Qostanaıdyń ońtústiginde, Atyraý oblystarynyń ońtústik-shyǵysynda da joǵary órt qaýpine qatysty eskertý jasaldy.