Qazǵarysh basshysy Talǵat Musabaev «Ǵaryshker» fılminiń premerasyn kórdi
Sharaǵa Ispanııa Koroldiginiń Qazaqstandaǵy elshiliginiń shaqyrýymen Astanada akkredıtatsııadan ótken dıplomatııalyq korpýstyń ókilderi, QR Ulttyq ǵarysh agenttigi men syrtqy ister mınıstrliginiń qyzmetkerleri, buqaralyq aqprarat quraldarynyń ókilderi, stýdentter qatysty.
Tusaýkeserdiń basty qonaǵy Qazǵaryshtyń basshysy Talǵat Musabaev boldy. Onyń kásibı pikiri fılm avtorlary úshin erekshe mańyzdy. «Men birinshi ret óz ómirimde «Ǵaryshker» degen atpen túsirilgen fılmdi kórgeli otyrmyn jáne bul óte qyzyqty, sebebi ǵarysh - bul erekshe, umytylmas álem», - dedi Talǵat Musabaev fılm tanystyrylymynń basynda.
Fılm rejısseri Nıkolas Alkala óz sózinde fılmniń keıipkerleriniń tústerine, oı-qııalyna negizdelip túsirilgenin attap ótti jáne onyń pikirinshe, kınony kórgen árbir adamnyń ózi qorytyndy jasaýyna quqyǵy bar.
Bir jarym saǵatqa sozylǵan «Ǵaryshker» fılmi shyndyǵynda eshkimdi beı-jaı qaldyrmady.
Bizdiń agenttik tilshisine fılm rejısseri Nıkolas Alkala «Ǵaryshker» fılminiń Reseıde kórsetilgenin jáne aldaǵy eki apta kóleminde Qazaqstanda kórsetiletinin aıtty.