Qazfosfat jumysshylarynyń jalaqysyna kelesi jyly 80 myń teńge qosylatyn boldy
Jergilikti ákimdiktiń eńbek ınspektsııasy basqarmasynyń málimetinshe, jıyndarda jumysshylar tarapynan eńbek qatynastary boıynsha 14 másele kóterilgen. Olardyń qatarynda: is-qaǵazdardy qazaq tilinde júrgizý, aılyqty kóterý, emdeý, saýyqtyrýǵa qarajat qarastyrý, tsehtardaǵy zııandy jumystar boıynsha teńsizdikti qarastyrý, arnaıy jumys kıimdi merziminde aýystyrý jáne sapasyn joǵarylatý, jumysshylardy tasymaldaý oryndaryn ulǵaıtý, jaqsy ári syıymdy kóliktermen qamtý jáne taǵy basqa saýaldar qaraldy.
«Qurylǵan arnaıy top pen JShS ákimshiligi júrgizgen jan-jaqty jumys nátıjesinde máseleler ońynan sheshilýde. Aıta keterligi, bul máseleler buǵan deıin de kompanııa basshylyǵynyń nazaryna alynyp, oryndalýy josparda bolǵan. Qabyldanǵan sharalarǵa sáıkes jumysshalyrdyń qajetti materıaldaryn qalaǵan tilinde berý máselesi qatań baqylaýǵa alynatyn bolady. Sondaı-aq, «Kazfosfat» JShS qyzmetkerleriniń aılyq jalaqysy 2021 jyldyń 1 qańtarynan bastap 10%-ǵa, 1 shildesinen bastap 15%-ǵa kóterilip (ortasha 216,5 myń teńge), 2022 jyldyń 1 qańtarynan bastap taǵy da 10%-ǵa jáne 1 shildede 10%-ǵa kóterilgen. Búgingi kúnge ortasha aılyq kólemi 255,9 myń teńgeni quraıdy», - dep jazdy vedomstvodan.
Sonymen qatar, jeltoqsan aıynda 13-aılyq jalaqy (100% kóleminde) barlyq qyzmetkerlerge beriledi. Aıta keteıik, 2021 jyldyń 13-shi aılyǵy 2022 jyldyń qańtar aıynda berilgen.
«Endigi kezekte, 2023 jyldyń 1 qańtarynan bastap JShS qyzmetkerleriniń jalaqysy 50 myń teńgege, 1 shildesinen bastap 30 myń teńgege kóteriledi jáne 2024 jyldan bastap shynaıy ınflıatsııa qunyn eskere otyryp, jalaqyǵa qosymsha jyl saıyn qosylyp otyratyn bolady.
Budan bólek, kompanııa qyzmetkerlerin emdeý, saýyqtyrýǵa jiberý boıynsha kelesi jyldan bastap 4 sanatorıımen kelisim-shart jasalady. JShS-niń «Kóktal» sanatorııine qosymsha 5 sanatorıı usynylady», - delingen habarlamada.
Qazirgi tańda «Kazfosfat» JShS-niń tsehtarynda zııandy jumystary boıynsha ótemaqy tólenip keledi. 2023 jyldan bastap JShSbarlyq óndirisitik tsehtary qaıta akkredıtatsııadan ótip, zańnama talaptaryna sáıkes jumysshylarǵa zııandy jumys jaǵdaıy boıynsha ótemaqy jańadan bekitiledi.
«Kazfosfat» JShS qyzmetkerleri tolyǵymen kásibı jumys kıim jáne aıaq kıimmen (spetsforma) qamtylǵan desek, aldaǵy ýaqytta sol kásibı jumys kıiminiń sapasy qaıta qaralyp, paıdalanýy bir merzimdik mezgilde aýystyrylatyn bolady. Sol sekildi, «Kazfosfat» JShS jumysshylaryn tasymaldaıtyn avtoparktermen kelisim shart jasalǵan. 2023 jyldyń qańtar aıynan qosymsha jańa avtobýstarmen jumysshylardy tasymaldaý máselesi sheshiletin bolady. Jyl sońyna deıin jumysshylardy zaýytqa alyp ketetin qosymsha aıaldamalar marshrýttarǵa qosylady», - dep málimdedi ınspektsııadan.
Osy jáne basqa da nazarǵa alynǵan barlyq máseleler jedel ári kezeń-kezińimen sheshý boıynsha sharalar qabyldanýda. Basqa da ózekti problemalar kompanııa basshylyǵynyń jiti baqylaýynda.