«Qazfosfat» JShS barlyq eńbek máseleleri boıynsha naqty kelisimge keldi
Kezdesýlerde jumysshylar eńbek qatynastary boıynsha uzaq jyldar boıy sheshimin tappaı kele jatqan birqatar máselelerdi kóterdi. Olardyń ishinde: jalaqyny kóterý, emdelýge, saýyqtyrýǵa qarajat bólý, eńbek jaǵdaılapdaǵy zııandy jumystarǵa tartylǵan qyzmetkerlerge teń múmkindikterdi qarastyrý, arnaıy kıimmen ýaqytyly qamtamasyz etý, sonymen qatar onyń sapasyn jaqsartý, jumysshylardy tasymaldaýǵa baılanysty máseleler, eki tilde is qaǵazdaryn júrgizý jáne t.b.
Jumys toby men kompanııa basshylyǵynyń jan-jaqty jumysynyń nátıjesinde barlyq eńbek máseleler boıynsha suraqtap sheshimin taýyp, naqty kelisimderge qol jetkizildi.
Atap aıtqanda, saralanǵan tásildi qoldana otyryp, jalaqyny arttyrý jáne jalaqydaǵy aıyrmashylyqty azaıtý maqsatynda 2023 jyldyń 1 qańtarynan bastap qyzmetkerlerdiń jalaqysy 50 myń teńgege, 1 shildeden bastap taǵy 30 myń teńgege ósedi.
Sonymen qatar, kompanııa jyl saıyn qyzmetkerlerdiń jalaqysyn ınflıatsııa deńgeıinde ındeksatsııalaıtyn bolady.
Kásiporyn qyzmetkerleriniń ortasha aılyq jalaqysy qazirgi tańda 281 183 myń teńgeni quraıdy. Sonymen qatar, aǵymdaǵy jyldyń jeltoqsan aıynda barlyq qyzmetkerlerge 13-shi jalaqy tólenedi (bir laýazymdyq jalaqy kóleminde).
«Qazfosfat» JShS balansynda «Kóktal» saýyqtyrý kesheni bar, onda 2022 jyly emdeý bólimshesi men 5 ǵımaratqa kúrdeli jóndeý jumystary júrgizilip, jıhazdar jańartylyp, jańa medıtsınalyq qural-jabdyqtar alyndy. Keler jyldan bastap qyzmetkerlerdiń qalaýy boıynsha medıtsınalyq qyzmetterdi paıdalana alatyn taǵy 4 shıpajaımen kelisim-shart jasalatyn bolady.
Qazirgi ýaqytta «Qazfosfat» JShS tsehtarynyń qyzmetkerlerine zııandy eńbek jaǵdaılary úshin ótemaqy tólenedi. 2023 jyldan bastap barlyq óndiristik tsehtar qaıta akkredıtatsııadan ótedi, odan keıin zııandy eńbek jaǵdaılary úshin ótemaqy tólemderi qaıta qaralady.
Ótken jyldardyń barlyǵynda jumysshylardy arnaıy kıimmen qamtamasyz etý óz deńgeıinde júrgizilmegenin eskere otyryp, kásiporyn basshylyǵy 2021-2022 jyldary arnaıy kıimder men qaýipsizdik aıaq kıimderin tolyq kólemde qamtamasyz etý sharalaryn qabyldady. Keler jyldan bastap olardyń sapasyn jaqsartý boıynsha qosymsha sharalar qolǵa alynbaq.
2021 jyldan bastap «Qazfosfat» JShS jyl saıyn kólik parkterimen jumysshylardy tasymaldaý boıynsha kelisimder jasasyp keledi. 2023 jyldyń qańtarynan bastap jańa avtobýstardy, sondaı-aq kompanııa qyzmetkerleri úshin jańa baǵyttardy shyǵarý josparlanýda.
Sondaı-aq, aǵymdaǵy jyldyń sońyna deıin is qaǵazdaryn eki tilde júrgizý máselesi sheshiletin bolady.
Qyzmetkerlerdi áleýmettik qoldaý máseleleri kompanııa basshylyǵynyń turaqty baqylaýynda. Máselen, buǵan deıin kompanııa qyzmetkerlerdiń jalaqysyn 2021 jyldyń 1 qańtarynan bastap 10%-ǵa, 2021 jyldyń 1 shildesinen bastap – qosymsha 15%-ǵa, 2022 jyldyń 1 qańtarynan bastap – taǵy 10%-ǵa jáne 2022 jyldyń 1 shildesinen bastap qosymsha 10% ulǵaıtylǵan bolatyn.
Qyzmetkerlerdiń eńbek jaǵdaıynyń sapasyn jaqsartý maqsatynda ashanalardy jańa qural-jabdyqtarmen jabdyqtady jáne jańǵyrtý jumystary júrgizildi. Seriktestik kásiporynda 6 myńǵa jýyq jumysshyny tegin tamaqpen qamtamasyz etti.
Kásiporyn jumysshylarynyń balalaryna arnalǵan 750 adamdy qamtıtyn «Juldyz» balalar lagerine kúrdeli jóndeý jumystary júrgizildi.
Kásiporynda «Ataýly áleýmettik kómek kórsetý qaǵıdalary» ázirlendi jáne bekitildi, onyń aıasynda 1457 muqtaj qyzmetkerge materıaldyq kómek tólendi.
Jumysshylardy baspanamen qamtamasyz etýge kóp kóńil bólinýde.
Máselen, kásiporyn sońǵy on jylda alǵash ret Qarataý qalasynda kóp balaly otbasylarǵa, ardagerlerge, múgedekterge 72 páter, Taraz qalasynda zaýyt qyzmetkerlerine 31 páter berdi.
Keler jyly «Qazfosfat» Jańatas qalasynda 226 páterlik turǵyn úı salýdy josparlap otyr. Sondaı-aq kompanııa qyzmetkerlerine «Otbasy bankinde» bastapqy jarnaǵa, ıaǵnı baspana qunynyń jartysyna aqsha jınaýǵa kómektesedi.
Áleýmettik jaýapkershilik qaǵıdattaryn júzege asyra otyryp, «Qazfosfat» JShS 2021 jyly Taraz qalasyndaǵy Úshbulaq jaǵalaýyn qaıta qalpyna keltirdi, Qarataý qalasynda balalar jáne sport alańdary bar saıabaq qurylysyn tolyǵymen qarjylandyrdy. Sondaı-aq 2023 jyly Jambyl aýdany Shaıqoryq aýylynda da osyndaı demalys saıabaǵyn salý josparlanýda. Al seriktestiktiń bólimshesi ornalasqan Túrkistan oblysyndaǵy Qumkent aýylynda kóshelerdi jaryqtandyrý jobasy qarjylandyrylady.
Óndiristik jáne áleýmettik jobalar aıasyndaǵy barlyq kelisimderdi júzege asyrý jumystary «Qazfosfat» kompanııasy basshylyǵynyń erekshe baqylaýynda bolady.