«KazEOSat-2» ǵarysh apparatyn ushyrý daıyndyǵy jospar boıynsha júrgizilýde - Qazǵarysh

ASTANA. QazAqparat - Qazaqstandyq ekinshi jerdi qashyqtyqtan zondtaý jer serigin ushyrý boıynsha daıyndyq kestege sáıkes júrgizilýde, dep habarlady QR Ulttyq ǵarysh agenttiginen.

«KazEOSat-2» Brıtanııanyń Surrey Satellite Technology Limited (SSTL) kompanııasymen jasalǵan. Ol Qazǵaryshtyń vedomstvolyq kásiporny «Qazaqstan Ǵarysh Sapary» AQ-nyń tapsyrysymen iri frantsýz Airbus Defence and Space kontserniniń quramyna kiredi.

Jerdi qashyqtyqtan baqylaýdyń qazaqstandyq jer serigi Gılford qalasynan Reseıdiń Orynbor oblysyndaǵy «ıAsnyı» ushyrý bazasyna 2014 jylǵy mamyr aıynyń ortasynda jetkizildi.

«KazEOSat-2» - jerdi ortasha keńistikten 6,5 metrden bes mýltıspektraldy kanaldan baqylaýǵa múmkindik beretin ǵarysh apparaty. Jer seriginiń salmaǵy - 180 kg, orbıtadaǵy qyzmet etý merzimi - 7 jyl.

Osyǵan deıin habarlaǵanymyzdaı, aparatty ǵaryshqa jetkizetin «Dnepr» zymyran-tasyǵyshynyń «ıAsnyı» ushyrý bazasynan ushyrylýy bıylǵy maýsym aıynyń 19-nan 20-na qaraǵan túnge josparlanǵan.