Qazbek Maıgeldınov: Kezekten tys prezıdent saılaýy - elimizdiń turaqty damýyna úles qosatyn sheshim
«Búgin Memleket basshysy kezekten tys prezıdent saılaýy 20 qarashada ótetini týraly Jarlyqqa qol qoıdy jáne osy bastamaǵa baılanysty Qazaqstan halqyna úndeý jasady. Osy oraıda birneshe baǵytty aıqyndap alýymyz kerek. Birinshiden, 2019 jyldan beri Memleket basshysy áýeli saıasat, odan keıin ekonomıka qaǵıdasy aıasynda saıası reformalar júrgizýdi bastap ketken edi. Búginge deıin tórt saıası reforma toptamasy qabyldandy. Onyń logıkalyq nátıjesi retinde jazda ótken konstıtýtsııalyq ózgeristerge qatysty jalpyulttyq referendýmdy atap ótýge bolady. Ekinshiden, jalpyulttyq referendým Qazaqstan halqynyń eldegi bolyp jatqan saıası ózgeristerdi qoldaıtynyn kórsetti. Sonyń nátıjesinde atalǵan ózgeristerdi júzege asyrýdyń naqty tetigi kerek boldy. Bul oraıda konstıtýtsııalyq reforma kezinde barlyq saıası bılik tarmaǵynyń tolyqtaı transformatsııasyna qatysty ózgerister engizildi. ıAǵnı, bul - saılaý týraly zańnamaǵa ózgeris, saıası partııalardy tirkeýge baılanysty jeńildikter, ákimderdi tikeleı saılaý jáne de jalpy jergilikti ózin ózi basqarý organdarynyń ortalyqsyzdandyrýy», - dedi Qazbek Maıgeldınov.
Instıtýt basshysynyń atap ótýinshe, elimizde Parlamenttegi Májilistiń quziretin kúsheıtý boıynsha da ózgerister qabyldandy.
Al ony júzege asyrý úshin eń aldymen Parlament jańa quramda bolýy tıis.
Óıtkeni, Májiliske proportsıonaldy-majorıtarlyq model arqyly saılanǵan depýtattar kelýi kerek.
«Endi jańa saıası partııalardyń bılikke kelýine múmkindikter jasalýy qajet. Sondyqtan kezekten tys parlament saılaýynyń ótýi ózin aqtap otyr. Úshinshiden, Prezıdent óziniń elektoraldyq tsıklin Táýelsizdik tarıhymyzda alǵash ret aldyn ala jarııalady. ıAǵnı, birinshi qyrkúıektegi Joldaýynda atap ótti. Bul saıası pikir alýandyǵy men demokratııanyń barlyq ustanymdaryna sáıkes keledi. Óıtkeni, saıası partııalarǵa birinshi qyrkúıekten bastap 2023 jyly ótetin parlament saılaýyna, 20 qarashada ótetin prezıdent saılaýyna aldyn ala daıyndalýǵa, kandıdattaryn usynýǵa, jalpy saılaýaldy naýqanǵa daıyndalýǵa múmkindik berdi deýge bolady», - dedi ol.
Qazbek Maıgeldınov qazirgi geosaıası týrbýlent jaǵdaıynda, kórshi elderde bolyp jatqan qaqtyǵystar kezinde elimizdegi turaqtylyqty qamtamasyz etý úshin kezekten tys prezıdent saılaýy qajet ekendigine nazar aýdartady.
«Óıtkeni, 7 jyldyq merzimge saılanatyn Prezıdent bir jaǵynan qoǵamdaǵy ártúrli kúshterdi biriktirýge, ekinshi jaǵynan bastamalaryn, qandaı da bir saıası-áleýmettik, ekonomıkalyq reformalaryn tııanaqty aıaqtaýǵa múmkindik alady. Sondyqtan, bul jolǵy kezekten tys prezıdent saılaýy 2019 jyldan bergi úsh jylda jasalǵan saıası reformalardyń naqty nátıjelerin júzege asyrýǵa arnalǵan núkte dep bilemiz. Ekinshi jaǵynan muny elimizdiń turaqty damýyna úles qosatyn sheshim retinde qabyldaǵan jón», - dedi sarapshy.
Foto: liter.kz