QazAvtoJoldyń Jambyl fılıaly basshylyǵy jaramsyz jol úshin tergelip jatqany ras pa

<p>Keı aqparat quraldarynda &laquo;QazAvtoJol&raquo; UK&raquo; AQ Jambyl oblystyq fılıaly basshylyǵynyń qysta avtojoldardyń kútiminiń nasharlyǵyna baılanysty tergelip jatqany jaıly aqparat tarady. Osyǵan oraı kompanııa túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a> &nbsp;</p>

QazAvtoJol málimetinshe, búgingi kúni Jambyl oblysynyń respýblıkalyq mańyzy bar joldarymen júrý tolyqtaı qamtamasyz etilgen jáne kúrejolda qozǵalysqa shekteý engizilgen joq.

Jambyl oblysynda respýblıkalyq mańyzy bar avtojoldardy kútip ustaý jelisi — 883 shaqyrym.

Qysqy kezeńge qar jınaıtyn 96 arnaıy tehnıka jumyldyrylyp, kóktaıǵaqqa qarsy materıaldardyń qajetti qory daıyndalǵan.

«Ózderińiz málim, ótken jylǵy 11-17 jeltoqsan aralyǵynda Jambyl oblysynyń aýmaǵynda aýa raıy kúrt buzylyp (qalyń qar, daýyldy jel, shekteýli kórinis), saldarynan Jambyl oblysy ákiminiń sheshimimen Qordaı men Shý aýdandarynda jergilikti aýqymdaǵy tabıǵı sıpattaǵy tótenshe jaǵdaı jarııalandy. Osyǵan baılanysty jol ýchaskelerinde júrgizýshiler men jolaýshylardyń qaýipsizdigin qamtamasyz etý maqsatynda 20 márte kólik qozǵalysyna ýaqytsha shekteý engizildi» deıdi kompanııadan.

Aýa raıynyń kúrt nasharlaýynan týyndaǵan kúre joldaǵy qolaısyzdyqty joıý maqsatynda 120-dan astam tehnıka jumyldyryldy, sondaı-aq kórshi óńirlerden qosymsha tehnıka tartylǵanyn atap ótken jón.

Avtojoldardy tazalaý jumysy normatıvtik merzimderge sáıkes júrgizildi.

«Qysqy kútip ustaý jumystaryn ýaqtyly júrgizbegeni úshin fılıal qyzmetkerleri jaýapkershilikke tartylǵany jóninde aqparat shyndyqqa saı kelmeıdi» deıdi QazAvtoJol.