QazAvtoJol sý basý qaýpi joǵary joldarda baqylaýdy kúsheıtti
«QazAvtoJol» ulttyq kompanııasy Atyraý oblysynda oryn alǵa tótenshe jaǵdaıdy aldyn alý úshin 117 arnaıy tehnıkany jumyldyrdy. Onyń ishinde ekskavator, býldozer, júk tıegish, tral, avtogreıder jáne basqa da tehnıkalar bar. Qosymsha taǵy 66 birlik tehnıkany jiberý josparlanýda. Fılıal mamandary joldardy saqtap, eldi mekenderdi barynsha sý tasqynynan aldyn alý úshin jumys isteýde», - dedi S.Dildahmet Ortalyq kommýnıkatsııalar qyzmetinde ótken baspasóz máslıhatynda.
Sonymen qatar, 2-9 sáýir aralyǵynda «QazAvtoJol» mamandary Aqmola oblysynyń birqatar eldi mekenderine 22 arnaıy tehnıkany jumyldyryp, erigen qar sýynyń aldyn alý úshin tıisti sharalardy atqardy.
Atap aıtqanda, Aqmola oblysy Jibek joly aýyly, Qosshy jáne Atbasar qalalaryn 6959 tonna qum, 423 m3 qıyrshyq tas pen 3122 m3 usaq tastarmen jabdyqtaǵan.
«Jol júıesiniń barlyq jelisinde sý alý qaýpi bar 396 oryn nemese 208 shaqyrym jol anyqtaldy. ShQO, SQO, Pavlodar, Qostanaı, Atyraý jáne Batys Qazaqstan oblystarynda sý alý qaýpi joǵary. Fılıal mamandary osy aýmaqta táýlik boıy baqylaý ornatyp, aldyn alý sharalaryn atqarýda», - dedi spıker.
Buǵan deıin Qazaqstannyń qaı oblystarynda joldar jabylǵany habarlanǵan edi.