Qostanaı oblysyndaǵy sý alyp ketken joldyń jaǵdaıy qalaı
Kompanııanyń baspasóz qyzmeti taratqan málimetterge qaraǵanda, 2024 jylǵy 3 sáýirde saǵat 14:30 shamasynda kúnniń kúrt jylynýy men erigen qar sýynyń saldarynan A-22 «Qarabutaq-Komsomolskoe-Denısovka-Rýdnyı-Qostanaı» tas jolynyń 254 shaqyrymyndaǵy (uzyndyǵy 150-180 metr, sý bıiktigi - 10-15 sm) júrý bóligin sý basyp qaldy.
Atalmysh ýchaskede dıametri 1-1,5 m bolatyn úsh tesikti jáne dıametri 1*1,5 m bolatyn bir tesikti eki sý ótkizgish qurylǵy bar. Eki qubyr da tolyqqandy jumys istep tur.
«KAJservıs» JShS qostanaılyq fılıal mamandary táýlik boıy kezekshilikti bekitip, oqıǵa ornyna qajetti jol belgilerin, sıgnaldy tirekterdi jáne ilgishterdi ornatty. 4 arnaıy tehnıka men 9 maman jumyldyryldy. Kólik quraldary úshin qozǵalys qamtamasyz etilgen», - delingen habarlamada.