«QazAvtoJol» Investıtsııalar jáne damý mınıstrliginiń qaramaǵyna ótýi múmkin

ASTANA. QazAqparat - «QazAvtoJol» ulttyq kompanııasy «Qazaqstan temir joly» ulttyq kompanııasynan QR Investıtsııalar jáne damý mınıstrliginiń qaramaǵyna ótýi múmkin, dep habarlaıdy QazAqparat tilshisi.

Úkimettiń tıisti Qaýly jobasy Elektrondyq úkimet saıtynda ashyq talqylaýǵa shyǵaryldy.

«QazAvtoJol» avtomobıl joldaryn basqarý boıynsha ulttyq operator bolyp sanalady. Kóliktik-logıstıkalyq júıeni damytý arqyly tıimdi ınfraqurylym qurý maqsatynda ulttyq kompanııa aktsııalarynyń paketi «Qazaqstan temir joly» Ulttyq kompanııasy» AQ-ǵa berilgen.

Túsindirme hatynda Qaýly jobasyn júzege asyrý memleket bıýdjetinen qarajatty qajet etpeıtini jáne jobanyń qabyldanýy teris áleýmettik-ekonomıkalyq jáne quqyqtyq saldarǵa ákep soqpaıtyny aıtylǵan.