«QazAvtoJol». Elimizdiń úsh oblysynda jol ashyldy

<p>ASTANA. KAZINFORM &mdash; Ulttyq kompanııa baspasóz qyzmeti málim etkendeı, Aqmola, Qostanaı jáne Pavlodar oblystarynda kólik qozǵalysy ashyldy.</p>

— 2024jylǵy 10 qarashada saǵat 07:00–de Aqmola oblysynda «Astana-Ereımentaý-Shiderti» avtojolynyń 16-200 shaqyrym aralyǵyndaǵy ýchaskesinde (Astana qalasynan Pavlodar oblysynyń shekarasyna deıin) kólik qozǵalysy ashyq, — delingen habarlamada.

2024 jylǵy 10 qarashada saǵat 07:00–de Pavlodar oblysynda «Astana-Ereımentaý-Shiderti» avtojolynyń 200-254 shaqyrym aralyǵyndaǵy ýchaskesinde (Pavlodar oblysynyń shekarasynan Shiderti aýylyna deıin) kólik qozǵalysy ashyldy.

Sondaı-aq, 2024 jylǵy 10 qarashada saǵat 08:00–de Aqmola oblysynda «Astana-Petropavlsk» avtojolynyń 18-232 shaqyrym aralyǵyndaǵy ýchaskesinde (Astana qalasynan Şýchınsk qalasyna deıin) kólik qozǵalysy ashyldy.

Budan bólek, 2024 jylǵy 10 qarashada saǵat 08:00–de Qostanaı oblysynda «Qostanaı-Áýlıekól-Surǵan» avtojolynyń 7-232 shaqyrym aralyǵynda (Tobyl qalasynan Aqmola oblysynyń shekarasyna deıin), «Qostanaı-Áýlıekól-Surǵan» avtojolynyń 232-260 shaqyrym aralyǵynda (Qostanaı oblysy shekarasynan Surǵan aýylyna deıin) kólik qozǵalysy ashylady.

Buǵan deıin habarlaǵanymyzdaı, «Qazgıdromet» Qazaqstannyń basym bóliginde burqasyndatyp, kóktaıǵaq bolady.

Sonymen qatar, «QazAvtoJol» basshysy kóktaıǵaqta sebetin ınertti materıal byltyrǵydan 3 ese kóp daıyndalǵanyn jazǵan bolatynbyz.