«QazAvtoJol» halyqaralyq bankten nesıege alatyn 291 mln dollar qaıda jumsalady

<p>ASTANA. KAZINFORM &ndash; &laquo;Qyzylorda-Jezqazǵan&raquo; jolyn salý jobasyna &laquo;QazAvtoJol&raquo; Azııa damý bankinen 291 mln dollar nesıe alady. Bul týraly &laquo;QazAvtoJol&raquo; UK&raquo; AQ basqarma tóraǵasy Darhan Imanashev málim etti. &nbsp;</p>

«291 mln dollar nesıe «Qyzylorda-Jezqazǵan» jolyn salý jobasyna arnalǵan. Qazirgi tańda merdiger taǵaıyndaldy. Ózderińiz bilesizder, bul 30 jyldan astam kútken jol. Bıyl bul joldyń 140 shaqyrymyn paıdalanýǵa bergeli otyrmyz», - dedi Darhan Imanashev OKQ alańynda ótken baspasóz máslıhatynda BAQ ókiliniń qoıǵan suraǵyna jaýap bere otyryp.

Byltyr Senat depýtaty Andreı Lýkın «QazAvtoJol» bir kózden 8,3 mlrd teńgege kelisimsharttardy zańsyz jasaǵan dep másele kótergen. Osyǵan oraı jýrnalıster Darhan Imanashevqa qaryzǵa alǵan qarjynyń qalaı jumsalatyny jaıly suraq qoıdy. 

Óz kezeginde «QazAvtoJol» basshysy kompanııanyń bir kózden kelisimshart jasasý isine qatysty túsinik berdi. 

«Bir kózden kelisimshart jasaý máselesine kelsek, biz tek joldardy kútip ustaýmen aınalysatyn «KAJservıs» JShS-men ondaı kelisim jasasamyz. Bul Úkimet qaýlysymen sheshilgen másele. Basqa kompanııalarmen bir kózden kelisimshart jasaspaımyz. Tek Qarjy mınıstrliginiń platformasy arqyly tender jarııalaımyz. Sol arqyly jumystar taratylady. Al, qaryzǵa alǵan qarajatty birinshiden ózimiz baqylaýǵa alamyz, ekinshiden halyqaralyq bankter ózderi qadaǵalaıdy. Sol sebepti ol qarjy maqsatsyz jumsalmaıdy», - dedi «QazAvtoJol» UK» AQ basqarma tóraǵasy. 

Aıta keteıik, buǵan deıin «QazAvtoJol» taǵy da qaryz alatynyn habarlaǵan edik. 

Sondaı-aq memlekettik qarjyny jymqyrdy degen kúdikpen ustalǵan «QazAvtoJol» UK» AQ burynǵy tóraǵasy men bas merdigerge qatysty tergeý aıaqtaldy.