«Qazavıaqutqarý» AQ ushqyshy «Erligi úshin» medalimen marapattaldy
QR Tótenshe jaǵdaılar mınıstrligi resmı saıtynyń habarlaýynsha, Káýshenov Marat Ahmetzaqıulynyń azamattyq avıatsııa salasynda úlken tájirıbesi bar. Mı-8T/MTV/AMT, Mı-171E tikushaqtaryn derbes paıdalanýǵa ruqsaty bar. Mı-8 tikushaǵymen izdestirý-qutqarý jumystaryn qamtamasyz etý, TJM mindetteri, jetý qıyn aýdandarda órtterdi sóndirý, sanıtarlyq mindetterdi oryndaý, TJM jáne basqa uıymdardyń ótinimderi boıynsha júkterdi, jolaýshylardy tasymaldaý boıynsha tapsyrmalardy oryndaıdy.
2021 jyldyń mamyr aıynda Ońtústik Qazaqstan oblysynyń Ógem shatqaly aýdanynda nóser jańbyr kezinde shekteýli keńistik jaǵdaıynda shatqalda 3 stýdent lebedkanyń kómegimen tikushaq bortyna kóterilip, qutqaryldy.
2021 jyldyń qyrkúıeginde Almaty oblysy, Prohodnaıa ózeniniń basseıni aýdanynda 3000 metr bıiktikte qatty jel kezinde meteorologııalyq qıyn jaǵdaıda týrısti lebedkanyń kómegimen bortqa kótere otyryp, aıaǵy synǵan kúıinde qutqardy.
2021 jyldyń kókteminde Kaspıı teńiziniń jaǵasynda, 2021 jyldyń jazynda Almaty oblysynyń Medeý aýdanynda tikushaqtyń sý tógetin qurylǵysyn paıdalana otyryp, órtti sóndirýge qatysty.
Almaty, Almaty jáne Jetisý oblystarynyń taýly aýdandarynda selderdiń aldyn alý úshin «Qazseldenqorǵaý» RMK ótinimderi boıynsha bıiktigi 3500 metrge deıingi taýlarǵa ushýdy turaqty oryndaıdy.
«Nusqaýshy-ushqysh retinde bıiktigi 2000-nan 3500 metrge deıingi taýlarǵa Mı-8 áýe kemesiniń tórt komandırin; syrtqy aspada júkterdi tasymaldaýǵa bir nusqaýshy-ushqyshty jáne Mı-8 ÁK komandırlerin jetý qıyn aýdandarda órtterdi sóndirý kezinde sý tógetin qurylǵyny qoldanýǵa daıyndady»,-delingen habarlamada.
Foto: gov.kz