«Qazatomónerkásip» jarty jylda qansha tabys tapty
«Kompanııanyń 2023 jyldyń birinshi jarty jylyndaǵy kirisi 2022 jyldyń sáıkes kezeńimen salystyrǵanda 25%-ǵa ulǵaıyp, shamamen 619 mlrd teńgeni qurady. Kiristiń ósýine áser etken faktorlar ýran oksıdiniń spottyq baǵasynyń ósýi, tutynýshylardan suranystardyń túsý merzimderine jáne jetkizý kestelerindegi tıisti aıyrmashylyqtarǵa baılanysty satý kóleminiń ulǵaıýy. Sonymen qatar ýran ónimderi men sırek metaldardan alynatyn ónimderden túsetin kiristerdiń ósýi jatady. 2023 jyldyń birinshi jarty jylynda kompanııanyń taza paıdasy 222 mlrd teńgeden asty. Kórsetkish ótken jylǵy 6 aımen salystyrǵanda 33%-ǵa artyq. Tabystyń artýy bıylǵy birinshi jartyjyldyqtaǵy operatsııalyq paıdanyń ósimine baılanysty», - dedi «Qazatomónerkásip» AQ basqarma tóraǵasy Erjan Muqanov baspasóz máslıhatynda.
Onyń aıtýynsha, ýran óndirisi kólemi ótken jylǵy deńgeıde saqtalyp, 10 225 tonnany qurady.
«Bıyl jarty jylda ýran satý kólemi tapsyrys berýshi josparlaǵan jetkizý merzimin ózgertý esebinen ótken jylǵa qaraǵanda 6%-ǵa joǵary. Aıta ketý kerek, satý kólemi klıentterdiń suranysyna jáne jetkizilim merzimine baılanysty ózgerip otyrady», - deıdi kompanııa basshysy.