«Qazatomónerkásip» ulttyq atom kompanııasy frantsııalyq áriptesterimen strategııalyq kelisim jasady
Bul týraly «Qazatomónerkásip» ulttyq atom kompanııasy keshe Parıjde BRGM Geologııalyq jáne taý zertteýleri bıýrosy men Monıtorıng jáne strategııalyq konsaltıngtik eýropalyq kompanııamen (CEIS) arada Strategııalyq seriktestik týraly kelisim jasady. Kompanııanyń baspasóz qyzmeti taratqan habarlamaǵa qaraǵanda ol QR Prezıdenti Nursultan Nazarbaevtyń Frantsııaǵa jumys sapary barysynda jasaldy. Oǵan «Qazatomónerkásip» UAK» AQ-nyń Basqarma tóraǵasy Vladımır Shkolnık, BRGM-niń Halyqaralyq yntymaqtastyq jónindegi dırektory Jan Klod Gıano jáne CEIS prezıdenti Olıve Darrazon qol qoıdy. Atalmysh kelisim ulttyq atom kompanııasynyń Qazaqstanda ǵylymı bilim men ónerkásiptik damýdy keńeıtýge arnalǵan saıasatynyń sheńberindegi bastamasy bolyp tabylady.
Jalpy Qazaqstan men Frantsııanyń atom energetıkasy salasyndaǵy yntymaqtastyǵy 1996 jyly bastaldy. Onda Ońtústik Qazaqstan oblysy aýmaǵynda birlese ýran óndirý jónindegi alǵashqy úkimetaralyq kelisimge qol qoıylǵan bolatyn. Sol jyly Frantsııanyń AREVA toby jáne «Qazatomónerkásip» ulttyq atom kompanııasynyń quryltaıshy bolýymen «KATKO» qazaq-frantsýz birlesken kásiporny» JShS quryldy. Al 2009 jyly 6 qazanda Frantsııa Prezıdenti N.Sarkozıdyń Qazaqstanǵa sapary kezinde IFASTAR (Integrated Fuel Asia Star) atom elektr stansalaryna arnalǵan ıadrolyq otyn marketıngy jónindegi jańadan qazaqstan-frantsýz kásipornyn qurý týraly Kelisimge qol jetkizildi. Kelesi jyly 27 qazanda sonyń negizinde Qazaqstandaǵy Úlbi metallýrgııa zaýyty bazasynda AREVA jobasy boıynsha otyn quramalaryn shyǵaratyn birlesken kásiporyn qurýǵa sheshim qabyldandy. Sondaı-aq qazan aıynda N.Nazarbaevtyń Frantsııaǵa resmı sapary aıasynda «Qazatomónerkásip» UAK» AQ men Frantsııanyń Atom energııasy jáne balama qýat kózderi jónindegi komıssarıat (SEA) kún energetıkasy (fotovoltaıka) salasyndaǵy birlesken zertteý jumystary týraly Kelisimge, Qazatomónerkásip pen BRGM sırek jáne sırek-jer metaldarynyń birlesken ǵylymı zerthanasyn qurý týraly Memorandýmǵa qol qoıdy.