«Qazatomónerkásip» UAK» AQ-nyń 2015-2025 jyldarǵa arnalǵan jańa strategııasy qabyldandy
«Qazatomónerkásip» UAK» AQ basqarma tóraǵasy Asqar Jumaǵalıev dırektorlar keńesiniń múshelerine kompanııany damytýdyń 2015-2025 jyldarǵa arnalǵan Strategııasyn tanystyrdy.
Qujat Kompanııanyń mıssııasyn, josparlaryn jáne taıaý jyldardaǵy jalpy damý baǵyttaryn aıqyndaıdy, sondaı-aq «Qazatomónerkásip» UAK» AQ qyzmetiniń tıimdiligin arttyryp, qunyn ulǵaıtýǵa múmkindik beretin strategııalyq maqsattaryn belgileıdi. Boljamdy taktıkalyq is-sharalar alǵa qoıylǵan mindetterdi iske asyrý úshin qajet. Strategııany júzege asyrý Qazatomónerkásip pen elimizdiń ýran óndirý boıynsha qol jetken álemdik kóshbasshylyq shebin saqtap qalýǵa yqpal etedi. Bul úshin Kompanııa jumys istep turǵan kenishterdi damytyp, jańalaryn salatyn jáne tıimdilikti arttyryp, ýran óndirýdiń ózindik qunyn tómendetýge baǵyttalǵan ozyq tehnologııalardy engizetin bolady.
Qazatomónerkásiptiń strategııalyq baǵyttarynyń biri - reaktorǵa deıingi ıadrolyq otyn tsıklynyń barlyq satylarynda bıznesti ártaraptandyrý. Kompanııa konversııa, baıytý jáne AES-ke arnalǵan ıadrolyq otyndy jınaqtaý boıynsha qyzmetterge qol jetkizýdi josparlap otyr.
Kompanııanyń damý strategııasy sheńberinde korporatıvtik basqarý júıesi jetildirilip, bıznes úderisteri ońtaılanady jáne beıindi emes aktıvterden bas tartylatyn bolady.
Qujatta kadrlyq saıasatty jetildirý máselesine de úlken mán berilgen. Kompanııa qyzmetkerlerdi tartý, saqtaý jáne olardyń kásibı ósýine barlyq jaǵdaıdy jasaıdy. Qazatomónerkásiptiń granty esebinen daryndy mektep túlekteri salalyq mamandyqtar boıynsha oqýǵa tartylatyn bolady. Holdıng ishinde qyzmetkerlerdi almastyrý, qyzmetkerdi jumysqa qabyldaý jáne basshylyq qyzmetke taǵaıyndaýda kásibı sapasyn baǵalaý júıesin engizý josparlanýda.
Damý strategııasynyń keshendi is-sharalaryn iske asyrý kompanııa qyzmetiniń tıimdiligin arttyryp, Qazatomónerkásip qunyn ulǵaıtýǵa múmkindik beredi.
Otyrystyń qorytyndysy boıynsha «Qazatomónerkásip» UAK» AQ 2015-2025 jyldarǵa arnalǵan Damý strategııasy bekitilip, kompanııa ortalyq apparatynyń jańa uıymdyq qurylymy qabyldandy, dep habarlaıdy «Qazatomónerkásip» UAK» AQ Qoǵammen baılanys departamenti.
«Qazatomónerkásip» UAK» AQ - Qazaqstannyń ýran jáne onyń qosyndylaryn, sırek metaldar, atom elektr stansalaryna arnalǵan ıadrolyq otyn, arnaıy qural-jabdyqtar, tehnologııalar jáne ekiudaı maqsattaǵy materıaldar eksportymen aınalysatyn ulttyq operator. Kompanııa qyzmetiniń basty baǵyttary geologııalyq barlaý, ýran óndirisi, ıadrolyq otyn tsıkly ónimderin óndirý, reaktor jasaý, AES qurylysy, konstrýktsııalyq materıaldar óndirisi, energetıka, ǵylymı zertteý, áleýmettik qamtý jáne mamandar daıyndaý bolyp tabylady. Qazatomónerkásip sondaı-aq, Qazaqstanda jańartylatyn energetıkany damytý baǵdarlamasynyń belsendi qatysýshysy. Búgingi tańda kompanııada 27 000-nan astam adam eńbek etedi. Qazatomónerkásip álemniń jetekshi ýran óndirýshi kompanııalarynyń kóshin bastap keledi.