«Qazatomónerkásip» kompanııasy ákimshilik jaýapkershilikke tartyldy

NUR-SULTAN. QazAqparat – Tabıǵı ýrannyń iri óndirýshisi «Qazatomónerkásip» ulttyq atom kompanııasy» AQ ákimshilik jaýapkershilikke tartyldy. Bul týraly QR Energetıka mınıstrliginiń baspasóz qyzmetinen málim etti, dep habarlaıdy QazAqparat.

«QR Energetıka mınıstrliginiń Atomdyq jáne energetıkalyq qadaǵalaý men baqylaý komıteti ýran eksporty men ımporty boıynsha Qazaqstan Respýblıkasynyń ulttyq operatory mártebesine ıe «Qazatomónerkásip» UAK» AQ-ǵa qatysty atom energııasyn paıdalaný salasyndaǵy normatıvtik-quqyqtyq aktilerdiń talaptaryna sáıkestigine tekserý júrgizdi. Tekserý barysynda tabıǵı ýrandy jóneltý, personaldy oqytý jáne fızıkalyq qorǵaý josparynyń bolýy kezinde ýákiletti organdy ýaqtyly habardar etpeý bóliginde atom energııasyn paıdalaný salasyndaǵy normatıvtik-quqyqtyq aktiler talaptarynyń buzylýy anyqtaldy», - delingen taratylǵan málimette.

Osy oraıda tekserý nátıjeleri boıynsha anyqtalǵan buzýshylyqtardy joıý týraly uıǵarymdar berildi. Ákimshilik quqyq buzýshylyq týraly is qozǵalyp, ákimshilik jaza qoldaný qaraldy.