«Qazatomónerkásip» Kanadamen birlesken kásiporyndaǵy úlesin ulǵaıtty
Qazatomónerkásip kompanııasy baspasóz qyzmetiniń málimetinshe, London qalasyndaǵy saltanatty rásimde Qazatomónerkásiptiń basqarma tóraǵasy Ǵalymjan Pirmatov pen Cameco prezıdenti - bas atqarýshy dırektory Tım Gıttsel Qazatomónerkásip, Cameco jáne Inkaı arasyndaǵy 2016 jylǵy mamyrdaǵy Іske asyrý jónindegi kelisimde kórsetilgen qaıta qurylymdaý týraly qujatqa qol qoıǵan.
Іske asyrý jónindegi kelisim sharttary boıynsha Qazatomónerkásip 2018 jyldyń 1 qańtarynan bastap «Inkaı» birlesken kásipornyndaǵy óziniń qatysý úlesin 40%-dan 60%-ǵa deıin ulǵaıtyp, operatsııalyq baqylaýǵa ıe bolady. Sondaı-aq Іske asyrý jónindegi kelisim aıasynda Inkaı jer qoınaýyn paıdalaný kelisimshartynyń merzimin 2045 jylǵa deıin uzartýǵa qol jetkizdi.
«Cameco - iskerlik qarym-qatynasymyz qalyptasqan jáne kóp jyldar boıy jemisti jumys istep kele jatqan strategııalyq seriktesimiz. Kompanııalar arasyndaǵy bul kelisim atom salasyndaǵy qazaqstan-kanada yntymaqtastyǵyna jańasha serpin beretinine senemin. Inkaıdaǵy qatysý úlesimizdiń artýy osynaý mańyzdy aktıvti odan ári birlese damytýǵa múmkindikter beredi», - dep málimdedi Qazatomónerkásip basshysy Ǵalymjan Pirmatov.
«Atalmysh kelisimdi iske asyrý Cameco-nyń 2045 jylǵa deıin birinshi sanatty óndirý aktıvterine qoljetimdiligin qamtamasyz etip, Qazatomónerkásippen yntymaqtastyǵymyzdy nyǵaıta túsedi», - dedi Cameco Prezıdenti Tım Gıttsel.