Qazannan bastap jeke tulǵa depozıtiniń mólsherlemesi ózgerdi- UB
Qazaqstan Ulttyq bankiniń basshysy Úkimet otyrysynda Ulttyq banktiń altyn valıýta rezervteri qyrkúıektiń sońynda aldyn ala derekter boıynsha 30 mlrd AQSh dollary, Ulttyq qordyń aktıvteri 56,3 mlrd AQSh dollary bolǵanyn habarlady. Jalpy halyqaralyq rezervter 86,4 mlrd AQSh dollaryn quraǵan.
«Osy jyldyń 8 aıynda depozıtter 1 paıyzǵa 17,7 trln teńgege deıin ósti. Ulttyq valıýtamen depozıtterdiń ósimi 4,1 paıyzdy kórsetip, 380 mlrd teńgege jetti. Shetel valıýtasymen depozıtter 2,5 paıyzǵa nemese 210 mlrd teńgege qysqardy. Nátıjesinde, depozıtterdi dollarlandyrý 46 paıyzǵa deıin tómendedi. 1 qazannan bastap jeke tulǵalardyń depozıtteri boıynsha eń joǵary mólsherlemelerdi anyqtaý tásili ózgerdi. Mólsherlemeler salymnyń merzimi jáne túrleri boıynsha jikteledi», - dedi D. Aqyshev.
Danııar Aqyshev sondaı-aq, kredıtteý naryǵy qalpyna kelip jatqanyn atap ótti.
«Bankterdiń kredıtteri jyl basynan bastap tamyzda 2,5 paıyzǵa 13 trln teńgege deıin ulǵaıdy. Qaıta qurylymdaýdan ótken jáne lıtsenzııasynan aıyrylǵan bankterdiń kredıt portfelin eseptemegende ekonomıkany kredıtteýdiń jyldyq ósimi 11,6 paıyzǵa nemese 1,3 trln teńgege baǵalanady. Aǵymdaǵy jylǵy 8 aıda jańa kredıt berý 28,1 paıyzǵa nemese 1,9 trln teńgege ósti. Kásiporyndarǵa teńgemen kredıtter boıynsha mólsherleme jyl basyndaǵy 13,2 paıyzdan 2018 jylǵy tamyzda 12,2 paıyzǵa deıin tómendedi», - dedi ol.
Eske sala ketsek, Danııar Aqyshev buǵan deıin jyl sońyna deıin ınflıatsııa deńgeıi 5-7 paıyzdyq nysanaly dálizde saqtalatynyn aıtty.
Sondaı-aq, merzimdi depozıtten aqshany erte alǵandarǵa aıyppul salynady.