Qazan qalasynda Elbasynyń «Táýelsizdik dáýiri» kitaby tanystyryldy
Tusaýkeser sharany Tatarstan halyqtary Assambleıasy Bas konsýldyqtyń kómegimen uıymdastyrdy. Kitap ǵylymı, iskerlik jáne dıplomatııalyq ortanyń aıtarlyqtaı qyzyǵýshylyǵyn týdyrdy.
Qazaqstan Respýblıkasynyń Qazan qalasyndaǵy Bas konsýly Erkin Tuqymov atap ótkendeı, "Táýelsizdik dáýiri" kitaby - derbes Qazaqstannyń irgesiniń qalanýynyń, jas memleket kezdestirgen sáttilikter men máselelerdiń tarıhy. "Kitap ótkendi jáne búgindi ǵana baıandap qoımaı, bolashaqqa umtylý, qıyndyqtarǵa qaramastan, órshil maqsattardy alǵa qoıyp, tek alǵa jyljýdy qalaı iske asyrý kerektigin tanytady", - dedi ol.
Reseı Federatsııasynyń Syrtqy ister mınıstrliginiń Kazandaǵy ókildiginiń basshysy Radık Vahıtov Qazaqstan halyqaralyq arenada laıyqty mártebege qol jetkizgenin, sondaı-aq Qazaqstan men Reseı Federatsııasy arasyndaǵy tatý kórshilik qarym-qatynas týraly aıtty. "Qazaqstanǵa Reseı sekildi jańa saıası júıeni qurýǵa, naryqtyq ekonomıkanyń tetikterin qalyptastyryp, quqyqtyq memlekettiń negizin qalaýǵa jáne, halyqaralyq arenada óziniń laıyqty tanylýyna qol jetkizýge týra keldi. Búginde Qazaqstan TMD keńistigindegi eń damyǵan elderdiń birine aınaldy. Men, ásirese, Eýrazııalyq ıntegratsııa týraly Qazaqstan Prezıdenti Nursultan Nazarbaevtyń bastamasyn, sonymen qatar bizdiń elderimizdiń arasyndaǵy jaıly qarym-qatynastyń baryn erekshe atap ótkim keledi", - dedi dıplomat.
Tatarstan halqy Dostyq úıiniń dırektory, Tatarstan Respýblıkasy Memlekettik keńesiniń depýtaty Irek Sháripov óz kezeginde qazaqstandyq kóshbasshynyń "Táýelsizdik dáýiri" kitaby - sózsiz halyqaralyq kelisimdi saqtaý boıynsha Táýelsiz Qazaqstannyń baǵa jetpes tájirıbesi keńinen qamtylǵan qyzyqty týyndy ekenin jetkizdi. "Reseı Federatsııasy Qazaqstan Respýblıkasy sekildi óziniń kópultylyǵymen, aýqymdy terrıtorııasymen, jospary ártúrli ekonomıkalyq qalpymen erekshelenedi. Osy eki memleket Keńes odaǵynan keıin óziniń áleýetin saqtap qaldy. Tatarstan rýhanı turǵyda jáne álemge degen kózqarasy tarapynan qazaqtarǵa, Qazaqstan halqyna óte jaqyn. Olardy tek ekonomıkalyq jáne mádenı baılanystar ǵana emes, eki respýblıkanyń kóshbasshylarynyń jeke qarym-qatynasy da baılanystyrady. Nursultan Nazarbaev - Mıntemır Sháripuly Shaımıevtyń dosy. Búgingi tańda Rýstam Nurǵalıuly Mınnıhanovtyń da Nursultan Ábishulymen qarym-qatynasy úlgili", - dedi I.Sharıpov.
Sonymen qatar, ol "Táýelsizdik dáýiri" kitaby sózsiz mindetti túrde oqylýy tıis eńbek ekenin atap ótti. "Biz aýqymdy terrıtorııadaǵy, kópultty memlekettiliktiń qurylýyn kórip otyrmyz. Ózindik derbestikke quqyq qalaı júzege asyp, egemen memlekettiń damýyn baqylaýdamyz. Úırenelik tusymyz mol", - dedi ol.
Ultaralyq dıalogty saqtaý men Qazaqstan halqy Assambleıasyn qurý boıynsha biregeı qazaqstandyq tájirıbeni Tatarstan Respýblıkasyndaǵy qazaqtardyń ǵylymı-mádenı avtonomııasynyń tóraǵasy Saǵıt Jaqsybekov te erekshe atap ótti. "Qazaqstannyń jalpy saıasatyndaǵy kópulttylyq pen Qazaqstan halqy Assambleıasyn qurýmen baılanysty element týraly aıtsam deımin. Bul Qazaqstannyń saıası kóshbasshylyǵynyń biregeı nátıjesi. Aınalyp kelgende bıýrokratııa kópulttylyqqa qatysty kúrdeli máselelerdi jıi sheshe bermeıdi. Búgingi tańda QHA jumysynyń tájirıbesi kóptegen memleketter úshin paıdaly ári tartymdy bolyp otyr", - dedi ol.
Óz kezeginde Qazan (Prıvolje) Federaldy ýnıversıtetiniń syrtqy baılanystar boıynsha prorektory Lınar Latypov Qazaqstan Prezıdentiniń bastamasymen júzege asyrylǵan eýrazııalyq ıntegratsııanyń modelin úlgi ete kele, qazaqstandyq kóshbasshynyń eńbegin aqyl kitaby dep atady. "Qazaqstan ózindik úlgisi arqyly Eýrazııalyq model óte jemisti ekenin kórsetti. Ol ulttyq kolorıt pen basqarýdyń ámbebap modelin tańdaıdy. "Táýelsizdik dáýiri" - bul aqyldyń kitaby", - dedi L. Latypov.