Qazan aıynda «Handar shejiresi» kitaby tanystyrylady

ASTANA. QazAqparat - Bıyl kúzde «Handar shejiresi» kitaby tanystyrylady. Bul týraly búgin Astanada «QazAqparat» tilshisine bergen suhbatynda QHA Ǵylymı-saraptamalyq keńesiniń múshesi, tarıh ǵylymdarynyń doktory Nurbek Shaıahmetov málim etti.

«9 qazanda Tarazda Qazaq handyǵynyń 550 jyldyǵyna oraı ótkiziletin úlken sharanyń aıasynda «Handar shejiresi» kitabyn tanystyrýdy josparlap otyrmyz. Bul týyndy QR Ulttyq kitaphanasymen birlese júzege asyrylyp otyr. Osy kitap úlken ǵylymı qundylyǵy bar qoljazba», - dedi N. Shaıahmetov. Onyń sózine qaraǵanda, bul kitap elimizdegi kitaphanalarǵa jáne oqý oryndaryna taratylady. «Onda barlyq handar qamtylǵan. Bolashaqta bul qoljazba zertteýshiler úshin ǵylymı qundylyq retinde óte qajet bolady degen oıdamyn»,-dedi ǵalym.