Qazan aıynda 447 myń otbasy kópbalaǵa beriletin járdemaqy alǵan

NUR-SULTAN. QazAqparat - 2021 jylǵy qańtardan bastap qazandy qosa alǵandaǵy aralyqta kópbalaly otbasylarǵa beriletin memlekettik járdemaqy tólemderimen jalpy somasy 235 mlrd teńgege orta eseppen 443,9 myń otbasy qamtyldy. Sonyń ishinde qazanda járdemaqynyń bul túrin 447,4 myń otbasy jalpy somasy 24,9 mlrd teńgege aldy, dep habarlaıdy QazAqparat.

Atalǵan memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.

«Tólem mólsheri balalardyń sanyna baılanysty saralanyp tólenedi jáne 2021 jyly 46 760 teńgeni (4 bala), 58 457 teńgeni (5 bala), 70 154 (6 bala) teńgeni, 81 852 teńgeni (7 bala), 8 balaǵa – 93 344 teńgeni, 9 balaǵa – 105 012 teńgeni, 10 balaǵa – 116 680 teńgeni, 11 balaǵa – 128 348 teńgeni, 12 balaǵa – 140 016 teńgeni, 13 balaǵa – 151 684 teńgeni, 14 balaǵa – 163 352 teńgeni, 15 balaǵa – 175 020 teńgeni, 16 balaǵa – 186 688 teńgeni nemese ár balaǵa 11 668 teńgeni quraıdy», - delingen Eńbek mınıstrligi málimetinde.

Eske sala keteıik, kópbalaly otbasylarǵa olardyń kiristerin esepke almaı beriletin jańa memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty aıasynda engizilgen bolatyn.