Qazan aıynan beri 2 mln-nan astam qazaqstandyq JRVI juqtyrdy

ASTANA. QazAqparat – QR Densaýlyq saqtaý vıtse-mınıstri Vıacheslav Dýdnık eldegi JRVI-dyń taralýyna qatysty sońǵy málimetpen bólisti, dep habarlaıdy QazAqparat tilshisi.

«El aýmaǵynda tumaý men JRVI-diń jıi taralýy baıqalady. 1 qazannan bastap sanıtarlyq qyzmet 2 mln 100 myń JRVI jaǵdaıyn tirkedi. Onyń arasynda 1 mln 300 myńy 14 jasqa deıingi bala. Tumaý boıynsha Qazaqstanda «V» vırýsy órship tur. Barlyq óńirde tirkelgen. Jalpy, sýyq tıip aýrý kórsetkishi byltyrmen salystyrǵanda 10 paıyzǵa ósken», - dedi Vıacheslav Dýdnık Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq mınıstr orynbasary tumaý jáne JRVI-ge qarsy elimizge 2 mln 280 myńnan astam vaktsına ákelingenin jáne turǵyndardyń 12 paıyzy ekpe alǵanyn aıtty.

Osy oraıda V. Dýdnık qazaqstandyqtardan tumaý jáne JRVI maýsymy bastalmaı turyp, aldyn ala vaktsına alýǵa shaqyrdy.

Brıfıng barysynda belgili bolǵandaı, bıyl Qazaqstanda 402 myń sábı dúnıege keldi.

Odan bólek, «Ańsaǵan sábı» memlekettik baǵdarlamasy aıasynda 3 myńnan astam náreste dúnıe esigin ashty.