Qazan aıynda 3 óńirde jaýyn-shashyn normadan kóp túsedi – AShM

<p><span style="font-family: sans-serif; font-size: 18px;">Sınoptıkter qazan aıynda elimizdiń 3 oblysynda jaýyn-shashyn mólsheriniń normadan joǵary bolatynyn boljap otyr, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></span></p>

«Qazgıdromet» RMK málimetterine sáıkes, qyrkúıektiń úshinshi onkúndiginde jalpy respýblıka boıynsha jańbyr jaýady dep kútilýde. Bul rette soltústikte astyq egetin negizgi aýdandarda aýa temperatýrasy túnde +2+7°S-tan +15+23°S-qa deıin aýytqıdy, onkúndiktiń basynda jáne sońynda topyraq betinde 1°-qa deıin úsik baıqalady, kúndiz aýa temperatýrasy +10+16°-tan +20+25°S-qa deıin kóteriledi», – delingen Aýyl sharýashylyǵy vıtse-mınıstr Ábilhaıyr Tamabektiń Májilis depýtattary saýalyna bergen jaýabynda.

Vıtse-mınıstrdiń atap ótýinshe, Qazgıdromettiń málimeti boıynsha 2023 jylǵy qazanda qyrkúıek aıymen salystyrǵanda ortasha aılyq temperatýra 8-10°S, ońtústik óńirlerde 5-8°S-qa túsedi.

«Qazan aıynda jaýyn-shashyn mólsheri respýblıkanyń basym bóliginde qalypty jaǵdaıda, Qyzylorda, Ulytaý oblystarynyń basym bóliginde, Túrkistan oblysynyń soltústik-batysynda normadan tómen, Batys Qazaqstan oblysynda, Aqtóbe oblysynyń soltústiginde jáne Qostanaı oblysynyń soltústik-batysynda normadan joǵary bolady dep boljanýda», – dedi Á.Tamabek.