Qazalylyqtar «Nur Otan» ókilderimen qýanysh bólisti

QAZALY. QazAqparat - «Nur Otan» partııasynyń Qyzylorda oblysy Qazaly aýdandyq fılıalynan aýdandyq máslıhattyń depýtattyǵyna kandıdattar jemis-jıdek saqtaý qoımasynda bolyp, úgit-nasıhat jumystaryn júrgizdi, dep habarlaıdy QazAqparat.

Úmitkerler Jarylqap Baqytjan, Imanalıeva Gúldári men Álipbaev Talǵat naqty isterdiń partııasyn nasıhattap, turǵyndardy aldaǵy saıası naýqanda «Nur Otan» partııasyna daýys berýge shaqyrdy.

Bazardaǵydan 15-20 paıyzǵa tómen baǵada satylyp jatqan taýarlardy saýdalaýshy turǵyndar, kandıdattarmen óz qýanyshtaryn bólisip, usynystaryn da aıtyp qaldy.

«Kúnnen-kúnge osyndaı jaqsy jańalyqtardyń kýási bolyp jatyrmyz. Bul qoımanyń ashylǵany barshaǵa tıimdi dep bilemin. Sebebi munda kúndelikti tutynatyn taýarlardyń baǵasy áldeqaıda arzan, sapasy da jaqsy. Endi aýdan ortalyǵynan birneshe áleýmettik dúkender ashylsa nur ústine nur bolar edi», - dedi taýar tutynýshy turǵyn.

Osy oraıda úmitker Gúldári Tasbolatqyzy aýdanymyzda 2021 jylǵa 2 áleýmettik dúken ashý josparda baryn aıtyp, usynys bildirgen turǵyndy taǵy qýantyp qoıdy.

Materıal «Nur Otan» partııasy Qyzylorda oblysy, Qazaly aýdanynyń saılaý qory qarjysy esebinen jarııalandy.