Qazalydaǵy oqýshylar tóbelesi: aýdandyq bilim bóliminiń basshysyna qatań sógis berildi

QYZYLORDA. QazAqparat – Qyzylorda oblysynda jasóspirimdi uryp-soǵý oqıǵasyna baılanysty Qazaly aýdandyq bilim bóliminiń basshysyna qatań sógis berildi, dep habarlaıdy QazAqparat tilshisi.

«Kemshilikterge jol bergen Qazaly aýdandyq bilim bóliminiń basshyna qatań sógis jarııalandy. Ózge de tıisti mamandardyń jaýapkershiligi qaralady», -dedi oblystyq bilim basqarmasynyń basshysy Meırambek Shermaǵanbet.

Oblystyq bilim basqarmasynyń basshysy aýdan ákimimen birge joǵary synyp oqýshylary, ata-analar, muǵalimdermen kezdesý ótkizdi. Onda tártip pen tárbıe máseleleri talqylandy.

Eske salsaq, Qyzylorda oblysy Qazaly aýdanynda 6 sáýirde eki mektep oqýshylary arasynda janjal týyndaǵan. Oǵan baılanysty Qylmystyq kodekstiń 293-babyna sáıkes tergeý jumystary júrgizilip jatyr.

Osy oqıǵaǵa baılanysty ІІM-ge aýdandyq polıtsııa bóliminiń bastyǵyn qyzmetinen alý jóninde usynys joldandy. Taǵy 10 qyzmetker qatań sógis, sógis jáne eskertý túrinde tártiptik jazaǵa tartyldy.