Qazalyda jat aǵymdy ustanǵan 4 adam sottaldy

QAZALY. QazAqparat - Qyzylorda oblysynyń Qazaly aýdanynda 2017 jyly destrýktıvti dinı baǵytty ustanýshy 4 adamnyń ústinen qylmystyq is qozǵalǵan, dep habarlaıdy QazAqparat tilshisi.

«Destrýktıvti dinı aǵymdar - azamattarymyzdyń quqyqtaryn buzatyn, olarǵa psıhologııalyq ádis-tásilderdi qoldana otyryp, zııanyn tıgizetin dinı aǵymdar. Ótken jyly destrýktıvti dinı baǵytty ustanýshy 4 qazalylyq azamatqa qatysty qylmystyq is qozǵalǵan. Onyń úsheýi 2-3 jylǵa shartty merzimge kesilse, bir azamat 2 jylǵa bas bostandyǵynan aıyrylǵan», - deıdi aýdandyq Іshki saıasat bóliminiń bas mamany Erlan Nurjaýbaev.