Qazalyda «Coworking» ortalyǵy ashyldy

QAZALY. QazAqparat - Qyzylorda oblysynyń Qazaly aýdandyq kitaphanasynda «Soworking» ortalyǵy ashyldy, dep habarlaıdy QazAqparat tilshisi.

Saltanatty sharaǵa Qazaly aýdanynyń ákimi Murat Ergeshbaev, Á.Tájibaev atyndaǵy Qyzylorda oblystyq ámbebap ǵylymı kitaphanasynyń dırektory Nurjamal Myrzamuratova qatysyp, aýdandyq kitaphana ujymyna sáttilik tiledi.

«Qazaly aýdanynda ashylǵan kóshe kitaphanasy - respýblıkada tuńǵysh ret uıymdastyrylǵan joba. Atalǵan jobany ózge aýdandar da ózderine úlgi etip, kóshe kitaphanalaryn ashty. Bul - qýantarlyq is. Búgingi kúni ashylǵan «Soworking» ortalyǵy aýdan jastaryna qolaıly oryn bolatyny anyq», - deıdi Nurjamal Myrzamuratova.

Sondaı-aq Aral, Jalaǵash, Jańaqorǵan aýdandarynyń kitaphana qyzmetkerleri de qonaq retinde qatysty.

Aıta keteıik, «Soworking» ortalyǵynda jastar men jasóspirimder ýaqytyn tıimdi ótkize alady. Bul jerde aýdan jastary kóptegen qyzyqty aktsııalarǵa, zııatkerlik oıyndarǵa jáne taǵy basqa sharalarǵa qatysa alady. Sonymen qatar, ortalyqta shahmat, doıby, toǵyzqumalaq oınaıtyn oryndar da bar.